سەرۆک بارزانى: جهێ داخهكا مهزنه هێشتا ئێش و ئازارێن ئێزديان بهردهوامن
گاڤ نيوز:
سەرۆک بارزانى رادگههينيت، شنگال برينهكا كويره ل سهر لهشێ گهلێ كورد و ئهوا داعشێ بهرى حهفت سالان دژى ئێزيدان كرى ئازارهكه چ جاران ژ بيرا كوردستانيان ناچيت.
سەرۆک مهسعوود بارزانى، دياردكهت، باش دزانين ل دهما هێرشا تيرۆرستان بۆ سهر كوردستانێ، ئێزدى ب ئهگهرا كوردبوونا خۆ و بيروباروهريا ب ئاينێ خۆ كهفتنه بهر پێلا کەرب و كين و بێوژدانيا تاوانبارێن داعشێ و هاتنه جينۆسايد كرن، ئهوا داعشێ ل شنگالێ كرى ژ ئهنجامێ دارشتيێ وان زنجيرهيێن جينۆسايد و كۆمكوژى و تاوانان بوو يێن ب درێژاهيا ديرۆكێ د دهرحهق گهلێ كوردستانێ دا هاتينه كرن.
بارزانى د حهفتهمين ساليادا كارهساتا شنگالێ دا سلاڤ بۆ گيانێ شههيد و قوربانيێن وێ تاوانێ هنارتن و ب رێز و حورمهت يادا وان پێشمهرگێن قارهمان دهێتهكرن يێن بۆ ئازادكرنا چيا و باژێڕێ شنگالێ خوينا خۆ بهخشی و سهرێ داعشێن درنده خستينه ژێر پێن برايێن ئێزدى و تۆلا وێ نهههقى و زولمێ ژ تيرۆرستان ڤهكری.
بارزانى د بهردهواميا پهياما خۆ دا دبيژيت: جهێ داخهكا مهزنه پشتى بۆرينا حهفت سالان ب سهر كارهساتا شنگالێ دا هێشتا ئێش و ئازارێن ئێزديان بهردهوامن و شنگال د دهست كۆمهكا هێز و چهكداران دايه كو چ پهيوهندى ب بهرژهوهنديا شنگالێ و ئێزديان ڤه نينه، ههر ئهو ژى بووينه رێگر بۆ ڤهگهڕيانا خهلكى و ئاڤهدانكرنا شنگالێ.
مهسعوود بارزانى دوپاتكر، ب ههمى شيانێن خۆ ئهو ل گهل داخوازى و ئازارێن ئێزديان دايه و داخواز ژ ئێزديان كر د ناڤا خۆ دا ئێك رێز بن و ئومێد ههبيت و پشت راستكرن ههر تشتهكێ ل سهر بنهمايێ زولم و خۆسهپاندنێ بيت ل دوماهيێ ههر دێ ب دوماهيێ هێت و ئهو رەوشا نهئاساسى و نهياسايى يا نوكه ل شنگالێ ههتا ههتا بەردەوام نابيت و دڤێت خوشك و برايێن ئێزدى ب سهربلندى ڤهگهڕنه سهر مال و حالێ خۆ.
تُتاح هذه الصورة أيضا في: کوردی