ماكرۆن: كۆمبوونا من و نێچيرڤان بارزانى بوو ئهگهرێ باشتربوونا پهيوهنديێن ههولێر و بهغدا
گاڤ نيوز
سهرۆكێ فرهنسا راگههاند، دانوستاندنێن وى ل گهل سهرۆكێ ههرێما كوردستانێ گرنگ بوون و دوپات كر، ئهو دانوستاندن ل گهل ئاليێن ئيراقى ژى بوونه ئهگهرێ باشتربوونا پهيوهنديێن ههولێر و بهغدايێ.
ئيمانوێل ماكرۆن، سهرۆكێ فرهنسا گۆت: ل سالا 2017 مه كار بۆ باشتركرنا پهيوهنديێن ههولێر و بهغدايێ كر و دوپات كر، ئهو دانوستاندنێن ل گهل سهرۆكێ ههرێما كوردستانێ و سهرۆكوهزيرێ ئيراقێ باش بوون و ب باشبوونا وان پهيوهنديان ئێمناهى دێ ههردهم ههبيت، ههروهسا ئاشكرا كر، ئهو دێ گرنگيێ ب ئێمناهيێ دهن، ژبەر کو هێشتا مهترسيا تيرۆرێ مايه.
ماكرۆنى دا زانين ژی: دانوستاندنێن وى ل گهل نێچيرڤان بارزانى، سهرۆكێ ههرێما كوردستانێ گرنگ بوون و بوونه ئهگهر ههولێر و بهغدا جارهكا دى لێك نێزيك بن.
ل دۆر هێرشێن توركيا ل شنگالێ سهرۆكوهزيرێ فرهنسا خۆیا کر: دڤێت هێرشێن توركيا بهێنه راوهستاندن و دڤێت خهلك ڤهگهڕيته شنگالێ، ژبەر کو نوكه ئهو ل ههرێما كوردستانێ دژين و ژيانا وان سهخته.
ههروهسا سوپاسيا حكومهتا ههرێما كوردستانێ و گۆت: ب هاريكاريا حكومهتێن ئيراقێ و ههرێما كوردستانێ ئارامى دێ پەیدا بیت.
ههروهسا ل مزگهفتا نوورى كو ژ ئاليێ داعشێ ڤه ئهو مزگهفت هاتبوو پهقاندن ئيمانوێل ماكرۆنی گۆت: داعشێ موسلمان، كرستيان و ئێزدى كرينه ئارمانج و داعش پڕۆژهيهكێ مرن و تاريێ يه و نه پڕۆژهيهكێ موسلمانايه و قوربانى ژی هەر موسلمان بووينه و ئهورۆپا ژى كهفتيه بهر هێرشێن داعشێ.
ههروهسا گۆت ژى: ترسا سهرههلدانا داعشێ ل ئيراقێ ههيه و ئهگهر ژى ڤهگهڕاندن بۆ گهندهليێ نهبوونا پڕۆژهيان و خواست جارهكا دى پهيوهنديێن موسلمان، ئێزدى و كرستيانان ڤهگهڕن و داعش بهيته ژ ناڤبرن و دوپات كر، ل ههمى جهێن ئۆلى وان نیەتا پێشكێشكرنا پهياما ئاشتيێ ههيه و فرهنسا دانپێدانێ ب ههمى پێکهاتەیان دكهت.
ل دۆر مانا فرهنسا ل ئيراقێ سهرۆكێ فرهنسا ئاشكراكر، چهند حكومهتا ئيراقێ ب خوازيت ئهو دێ ل ئيراقێ مينين و فرهنسا ملبملێ ئيراقێ يه.
تُتاح هذه الصورة أيضا في: کوردی