سهركردهكێ داعشێ یێ داخوازكری ل دهف هێزێن ئێمناهیا ههرێمێ هاته گرتن
گاڤ نیوز
سهركردهیهكێ داعشێ كو پلان ژبۆ چهندین كریارێن تیرۆرستی ل ههرێما كوردستانێ دانابوون هاته گرتن.
شانهیا راگههاندنا ئێمناهیا ئیراقێ د راگههاندنهكێ دا دیاركر: ل ژێر راسپاردهیێن سهرۆكوهزیران و ل گۆرهى لێكۆلینێن ههوالگیری، ئهڤرۆ سهركردهیهكێ داعشێ كو پلهیا ئهمنیێ ویلایهتا باكۆرێ ئیراقێ ددهستی دا بوو ب ناڤێ ئهبو ئیبراهیم دابق، كو ژ داخوازكریێن سهرهكی یێن هێزێن ئێمناهیێ یێن ههرێما كوردستانێ بوو هاته دهستهسهركرن .
خۆیا ژى كریه: ئهو سهركردهیێ داعشێ بهرپرس بوو ژ دروستكرنا مهفرهزهیێن تیرۆرستان، كو بهری نوكه مهفرهزهیهكا وان دناڤبهرا پارێزگههێن كهركووك و ئهنبار و یهك ژى ل ههرێما كوردستانێ كو بهری چهند رۆژه گرتنا وان هاتبوو راگههاندن هاتبوونه گرتن.
تُتاح هذه الصورة أيضا في: کوردی