سەرۆک بارزانی و نوینەرا یۆئێنێ بەحسا پێکئینانا حکومەتا نوی یا ئیراقێ کرن
گاڤ نیوز
سەرۆک مەسعوود بارزانی ئەڤرۆ ل سەلاحەددین پێشوازی ل نوینەرا تایبەتا سکرتێرێ گشتی یێ نەتەوەیێن ئێکگرتی بۆ ئیراقێ کر و رەوسا سیاسی بەحس کر.
ل گۆرەی بەیانەکا بارەگەهێ بارزانی، سەرۆک مەسعوود بارزانی و جینین پلاسخارت د کۆمبوونێ دا دوماهی پێشهاتەیێن پرۆسەیا سیاسی یا ئیراقێ و گاڤێن دەستووری یێن پێکئینانا حکومەتا نوی و رێکێن چارەسەکرن و دەربازکرنا کێشەیێن سیاسی ل ئیراقێ بەحس کرن.
هەروەسا دیار کر کو د کۆمبوونێ دا کێشەیێن د ناڤبەرا هەرێم و بەغدا و بزاڤێن هەماهەنگی و کارێ هەڤپشک د ناڤبەرا حکومەتا هەرێم و حکومەتا بەغدا بەحس کرن و ئاماژە ب رۆلێ نەتەوەیێن ئێکگرتی ژی د ڤی بابەتی دا هاتە کرن.
تُتاح هذه الصورة أيضا في: کوردی