باعهدرێ مهزنترين ئالايێ كوردستانێ بلند كر
تۆرا لالش:
وەکو وەفاداریەك هەمبەر خەتیرە هلکرێن نەورۆزێ،ڕێورەسمێن بلندکرنا مهزنترين ئالایا کوردستانێ ب رێڤەچوون کو ژلایێ بنگەهێ لالش تايێ باعەدرێ ڤە هاتبوون سازکرن.
ئيرۆ 16ى ئادارا 2022ێ ب ئامادەبوونا ئازاد ئيسماعیل و ههڤال سالح نرمو کارگێڕێن لقا (20) یا( P.D.K) و شاندێ دگەل دا و شێخ زێدو باعەدری راوێژکارێ پەرلەمانێ کوردستانێ و خێری بريم بەرپرسێ لیژنا ناوچا باعەدرێ و کارگێر و کادرێن لیژنا ناوچێ و شمال محهمهد ئهديب رێڤەبەرێ ناحیا باعەدرێ و چەند رێڤەبەر و نوونەر و فەرمانبەرێن دام و دەزگەهێن میری ل ناحیێ و ناڤەندا لاوان و مامۆستایێن ئامادەیا باعەدرێ، ڕێورەسمێن بلندکرنا ئالایا کوردستانێ كو ب درێژاهيا 11 مهتران ژلايێ بنگههي لالش ڤه هاتيه دروستكرن ب رێڤەچوون.
ل دەستپێکێ خهلات باعەدری بەرپرسێ بنگەهێ لالش تايێ باعەدرێ بخێرهاتنا تەڤایا ئامادەبوویان کر و سەرێ ڕێز و نەوازشێ بۆ تەڤایا شەهیدێن ڕزگاريخوازا کوردی و نەخاسمە یێن کیمیابارانكرنا هەلەبچە دا زمان ، هەروەسا بەحس ل ئەگەرێن دانانا ڤى ئالایێ ل ڤی جى وەکو وەفاداریەك بۆ خەتیرە هەلکرێن نەورۆزێ ل رۆژێن زەحمەت و تەنگاڤ ل سەردەمێ رژێمێ دا.
ل دووڤدا هەر یەك ژ ئازاد ئيسماعیل و شمال محهمهد ئهديب و خانم ماریا و شێخ زێدۆ باعەدری د پەیڤێن خۆدا رۆناهی ئێخستنە سەر پرسێن نیشتمانی و نەتەوەیی یێن مەها ئادارێ ب خۆشی و نەخۆشیێن خۆڤە و بەحسا پیرۆزیا ئالایى و چاوانی و قۆناغێن دروستبوونا وێ هات کرن دگەل ئاماژە پێکرن ب هێما و ڕەنگ و دەلالەتێن دناڤا ئالایێ دا ، زێدەباری چەندین خالێن بالکێش ل دۆر ڤێ چالاکیێ و تەکەز ل سەر چەند بابەتێن گرنگێن پەیوەندیدار ب ئالایى و پیرۆزیا جيێ ل هاتی دانان(گرێ فەقیرا) وەك سیمبولەك بۆ ئازادی و بەرخودانی و چەوانیا ڤێخستنا ئاگرێ نەورۆزێ ژبال خەلکێ باعەدرێ و تایبەت تاخێ شۆرەشێ ل سەردەمێ رژێما ژنافچۆیی،هەروەسا ژ هەژی دیتنا گەلێ کورد بۆ ژیانەكا سەرفهراز و بەختەوەر دبن سیبەرا ڤێ ئالایى دا دانە زانین.
پاشی هۆزانڤانا خەلکا باژێرێ عەفرینێ خانم تارا عەفرینی پارچە هۆزانەکا جوان و کاریگەر پێشكێشی تەڤایا ئامادەبوویان کر ب هەلکەفتا ڤێ ڕێورەسمێ.
ل داویێ ژی ئالا پیرۆز ژلایێ ئامادەبوویان ڤە هاتە بەرزکرن دگەل دەنگێ سروودا نیشتيمانی (ئەی رەقیب) د کەش و هەوایەکی سەرهنجڕاکێش و جوان دا،ژلایێ خۆڤە تەڤایا ئامادەبوویان دەست خۆشی ل بنگەهێ لالش تايێ باعەدرێ کر،وەکو بنگەهەکێ بەردەوام ب بزاڤ و چالاکیێن هەمەجۆر ل دەڤەرێ.
تُتاح هذه الصورة أيضا في: کوردی