نۆژدارهكێ ئێزدى ژبهر رهمهزانێ داشكاندن ل سهر چارهسهریێن خۆ راگههاند
باسنيوز:
ل سهنتهرێ باژێرێ دهۆكێ، نۆژدارهكێ كوردێ ئێزدى، وهكه رێزگرتن بۆ ههیڤا رهمهزانا پیرۆز و رێزگرتن بۆ مۆسلمانان، داشكاندن دانایه سهر وان چارهسهریێن ئهو پێشكێشى خهلكى دكهتن.
د.رێزان حهسون، كۆ نۆژدارهكێ كوردێ ئێزدى یه و تایبهتمهنده ب نهخۆشیێن ددانان ڤه، بۆ(باسنیوز) گۆت: “راسته ئهز كوردهكێ ئێزدى مه، لێ جۆداهیێ دناڤبهرا خۆ و كهسێن دیتر دا نابینم، چونكه ئهم ههمى مرۆڤین و ئهم پێكڤه ل سهر ڤێ ئاخێ دژین، لهورا وهكه رێزگررتن بۆ موسلمانان و ههیڤا رهمهزانێ، من بریاردایه داشكاندنێ بدانمه سهر وان چارهسهریێن ئهز پێشكێشى خهلكى دكهم”.
د.رێزان حهسون، ئهو چهنده ژى دیاركر: “من ب رێژا 40% داشكاندن دانایه سهر وان چارهسهریێن خهلك ژ لایێ جهێ من یێ كارى یێ تایبهت وهردگرن و گۆتژى:ژبهر كۆ تایبهتمهندیا من پێشكێشكرنا چارهسهریا یه بۆ ههلگرێن نهخۆشیێن ددانا، لهورا پلێتا دیتنا من نینه و بێ بهرامبهر نهخۆش دشێت من ببینیت و د ههمان دهمدا بۆ ههر جۆره چارهسهریهكێ 40% داشكاندن ل سهر وان چارهسهریان هاتیه دانان و ئارمانجا من خزمهتكرنا خهلكى یه و دلخۆشم وهك كوردهكێ ئێزدى ئهڤ كاره د ههیڤا رهمهزانێ دا من ئهنجامداى”.
تُتاح هذه الصورة أيضا في: کوردی