پەیڤدارێ وەزارەتا کارەبێ: پێلا گەرمێ کاریگەری ل سەر کارەبێ کرییە
دهۆك تیڤی:
ئومێد ئەحمەد، پەیڤدارێ وەزارەتا کارەبێ بۆ دهۆك تیڤی دیارکر” بلندبوونا پلێن گەرمێ ل چەند رۆژێن بوری دا ئەگەرەکێ سەرەکییە بۆ کێمبوونا دەمژمێرێن کارەبێ و د نوکە دا وەزارەتا کارەبێ ب تنێ د شیاندایە رۆژانە ١٥ دەمژمێرێن کارەبا نیشتیمانی بدەتە وەلاتییان، پێدڤییە وەلاتی ھاریکار بن بۆ کێمکرنا بارگرانیا ل سەر کارەبێ ھەیی.
ناڤهاتی گۆت ژی” نوکە خواست ل سەر کارەبێ گەھشتیە چار هزار و ٥٠٠ میگاواتان، ئەڤە ددەمەکی دایە بەرھەم ئینان ب تنێ سێ ھزار و ١٠٠ میگاواتن، بڕیارە ٦٠٠ میگاواتێن دی ژی بکەڤنە کاری نوکە کارێ سەخبێرکرنێ تێدا دھێتە ئەنجامدان.
ئومێد ئەحمەد ئاماژەکر” ھەموو بزاڤەک دھێتە کرن زۆرترین دەمژمێرێن کارەبێ ب وەلاتیان بھێنەدان، ب تایبەتی د وەرزێ ھاڤینێ دا، بەلێ پێلەکا دژوار یا گەرمێ دەستپێکرییە و کاریگەری کرییە سەر بکارئینانا کارەبێ ژلایێ وەلاتیانڤە، چەند یەکێن دی ھەنە کار دھێتە کرن ئەو ژی بکەڤنە کار بۆ زێدەکرنا رێژا بەرھەمئینانێ.
تُتاح هذه الصورة أيضا في: کوردی