بنگەهێ لالش تایێ باعەدرێ هەموو قوتابیێن سەركەفتی و رێڤەبەرێن قوتابخانان خەلاتكرن
تۆرا لالش:
وەك رێزگرتن ل كەد و خەباتا قوتابیان،بنگەهێ لالش تایێ باعەدرێ هەموو قوتابیێن سەركەفتی و رێڤەبەرێن قوتابخانان ل سەرتاسەری دەڤەرێ خەلاتكرن.
دوهی رۆژا چارشەمبوویێ 15ی حوزەیرانا 2022 و ب ئامادەبوونا ئازاد ئیسماعیل خرابی كارگێڕێ لقا 20 شێخان یاپارتی دیموكراتی كوردستان و رێڤەبەر و بەرپرس و نوونەرێن دام و دەزگەهێن حزبی ومیری و جەماوەری و موختار و ریهسپی و سەمیانێن قوتابیان و جەماوەركێ زۆر ژ باعەدرێ و دەڤەرێ،بنگەهێ لالش تایێ باعەدرێ رابوو ب خەلاتكرنا قوتابیێن سەركەفتی یێن پلێن(ئێك،دوو،سێ) ل هەموو قۆناغێن خووندنێ ل قوتابخانێن سەنتەرێ ناحیا باعەدرێ.
ڕێورەسمان ب خۆلەكەكا رێزگرتنێ ل سەر گیانێ جانگۆریێن بزاڤا ڕزگاریخوازا كوردی سەر كێشێ وان بارزانیێ نەمر دەستپێكر،ل دووڤدا خلات باعەدری بەرپرسێ بنگەهێ لالش ب خێرهاتنا تەڤایا ئامادەبوویان كر و پیرۆزباهی ل قوتابی و سەمیان و مالباتێن قوتابیان كر و داخویاكرن كو زانست و خووندن تاكە چەكێ سەركەفتنا هەموو مللەتانە و هیڤیدارن بەردەوام بن ل سەر ڤی ئاستێ ل پێشەرۆژێ دا و داخواز سەركەفتنێ بۆ تەڤایا قوتابیان خواست د كاروانێ خووندنێ دا.
پاشی كارگێڕێ لقا 20 و بەرپرسێ بەشێ جەماوەری ئازاد ئیسماعیل خرابی پەیڤەك پێشكێشكر و پیرۆزباهی ل تەڤایا قوتابیان كر وەكو سەركێشێن زانستی ل پێشەرۆژێ،هەروەسا دەست خۆشی ل بنگەهێ لالش تایێ باعەدرێ كر وەكو رێكخەرێن ڤێ چالاكیێ و رۆلێ وی ئینا زمان و تەكەز ل سەر باندۆرا زانست و زانینێ دژیانا هەر كەسەكی دا كر و داخواز سەركەفتنێ و سەرفەرازیێ بۆ تەڤایا قوتابیان خواست دخزمەتا گەل و نیشتمانێ خۆدا.
ل دووڤدا هەموو قوتابیێن سەركەفتی ل هەموو قوتابخانێن سەنتەرێ ناحیا باعەدرێ ب دیاریێن بنگەهێ لالش تایێ باعەدرێ هاتنە خەلاتكرن،كو ژمارا وان 75 قوتابی بوون دگەل هەموو رێڤەبەرێن قوتابخانان و ژلایێ مێهڤان و ئامادەبوویان ڤە ب سەر تەڤایا قوتابیان دا بەلاڤكرن دكەش و هەوایەكی دلڤەكر و دلخۆشكەر و هەبوونا گرنژین و مۆراڵا بلندا قوتابی و مێهڤانان،ئەڤ ڕێورەسمە ب داوی هات.
بۆ زانین بنگەهێ لالش تایێ باعەدرێ سالانە ب ڤی ئەركی رادبت هەمبەر پڕۆسێسا پەروەردێ و نەڤیێن پێشەرۆژێ و كەد و ڕەنجا وان ل بیر دئینت،پێخەمەت ببتە هاندەر و پشتەڤان د كاروانێ خووندنا ئەوان دا.
تُتاح هذه الصورة أيضا في: کوردی