پارتى: لايهنێن ل پشت هێرشێن مووشهكى ئهون يێن نهشياين خزمهتگۆزاريان پێشكێشى گهلێ ئيراقێ بكهن
گاڤ نيوز
فراكسيۆنا پارتى ديمۆكراتى كوردستان د پهرلهمانێ ئيراقێ دا ئهڤرۆ رۆژا دوشهمبيێ راگههاند كو ئهو لايهنێن ل پشت هێرشێن مووشهكى ل سهر ههرێما كوردستانێ ئهون يێن كو نهشێن خزمهتگۆزاريان پێشكێشى گهلێ ئيراقێ بكهن.
د بهيانهكا فراكسيۆنا پارتى دا هاتيه؛ پێدڤيه ههماههنگى دناڤبهرا بهغدا و ههولێرێ و جڤاكێ نێڤدهولهتى ژ بۆ بهرسينگگرتنا هێرشێن مووشهكى ل سهر ههرێما كوردستانێ بهێته كرن.
تێدا هاتيه ژى؛ ئهوێن ل پشت ڤان هێرشان حهز دكهن نامهيان بگههيننه كۆمپانيێن وهبهرهێنانێ يێن جيهانى كو ئيراق بۆ وهبهرهينانێ يا باش نينه و ئهڤ چهنده د خزمهتا ئيراقيان دا نينه.
ئاماژه دايه وێ چهندێ ژى؛ پێدڤيه چارهسهريێن ريشهيى ژ بۆ تژيكرنا ڤالاتيێن ئهمنى دناڤبهرا هێزێن ئيراقى و هێزێن پێشمهرگهى د درێژيا سنوورێ دناڤبهرا ههرێمێ و پارێزگههێن ئيراقێ دا بهێنه ديتن ژ بۆ راوهستاندنا وان هێرشان و وان كهسێن ل پشت هێرشان.
ديار ژى كريه؛ ئهوێن ل پشت ڤان هێرشێن ترسنۆك ئهون يێن كو نهشێن خزمهتگۆزاريان پێشكێشى گهلێ ئيراقێ بكهن.
تُتاح هذه الصورة أيضا في: کوردی