سهرۆكاتیا ههرێمێ دێ كهسێن ئێكێ یێن حزبان كۆمكهت
گاڤ نیوز:
هنارتیا سكرتێرێ گشتى یێ نهتهوهیێن ئێكگرتى و سهرۆكاتیا ههرێمێ دێ ل گهل ئالیێن سیاسى یێن ههرێمێ كۆمبن و تێدا دێ بڕیار ل دۆر كاراكرنا كۆمسیۆنێ و راستڤەکرنا قانوونا ههلبژارتنان هێتهدان، كۆمسیۆن ژى دخوازیت كهسێن ئێكێ یێن ئالیێن سیاسى ل گهل پلاسخارتێ كۆمببن.
شێروان زرار، پهیڤدارێ كۆمسیۆنا بلندا سهربهخۆ یا ههلبژارتنان ل ههرێما كوردستانێ بۆ گاڤ نیوز گۆت: ئالیێن سیاسى ل دۆر راستڤهكرنا قانوونا ههلبژارتنان و كاراكرنا كۆمسیۆنێ هەڤدژیێن دیار هەنە و ئاشكرا ژی كر، هنارتیا نهتهوهیێن ئێكگرتى دێ ل گهل ئالیێن سیاسى یێن ههرێمێ كۆمبیت و دێ كاراكرنا كۆمسیۆنێ و راستڤەکرنا قانوونا ههلبژارتنان كهته بڕیار و ئاراستهى پهڕلهمانێ كوردستانێ كهت.
سهرۆكاتیا ههرێما كوردستانێ دێ پهیوهندیێ ب ئالیێن سیاسى كهت و دێ نوینهرا نهتهوهیێن ئێكگرتى ژى پشكدارى كۆمبوونێ بیت.
كۆمسیۆنا بلندا سهربهخۆ یا ههلبژارتنان بۆ گاڤ نیوز راگههاند، ههر دهما ئالیێن سیاسى بریاردا و د بهرههڤبوون، بتنێ د شهش ههیڤان دا كۆمسیۆن دشێن خۆ بهرههڤ بكهت و ههلبژارتنان برێڤهببهت.
تُتاح هذه الصورة أيضا في: کوردی