ژ بیرهوهریێن مه
جههوهر ههكارى
پشتى بهفر بارینهكا زۆر بوو ساهى و ئێدى دگهل وان ههڤالێن خۆ ئامادهكرین مه كارێ خۆكر و سبهیكهكێ زوو نێزیكى دهمژمێر 8ى سبێ بوو مه دا رێ و مه سنگێ خۆ دا وى چیایێ بلند كو بلنداهیا وى ژ چار ههزار میترا ل سهر رووێ دهریایێ بلندتره و چ رهشاتى نینن ههموو بهفره ههڤالهك ب لنگا ل پێشیا مه دچۆ ل نیڤهكا چیایى ههڤالێ من كاك محهمهد یێ گران بوو و هێدى هێدى رێ د بڕى ئێدى ههڤالا خۆ لێ نهگرت و چۆن و من بتنێ خۆ لێ كره خودان و هندهك ههڤالێن مه بۆ ساتى زڤرى بوون و ئهز و كاك محهمهد ل دهوسا وان چۆین ههتا ئهم گههشتینه سهرێ چیایى ههموو دۆل و ونههال بوون ود پر فرههـ بوون.
دهمهكى ئهم ل دۆلهكێ دا دچۆین و با و بارۆڤهكێ ب هێز هات ئێدى مه گۆت مهرگێ مه دناڤ بهفرێ دایه و ئهم قورتال نابین لهوما من گۆته كاك محهمهد نهراوهسته و وهره و ئهم دناڤ بارۆڤێ ژى دا دچۆین و گههشتینه سهرێ وێ دۆلێ دا و ئێدى بارۆڤه راوهستیا و دونیا زهلال بوو ڤه بهلێ شوین دهوس نهمان و ل پێشیا مه راستیهك بوو و ئهم ههر د چۆین ههتا ئهم گههشتینه ژۆرداییێ ئێدى مه شون دهوس دیتن و ئهم چۆین بهلێ ههر كاك محهمهد یێ گران بوو بۆ رێڤهچۆنێ یێ باش بوو.
هندهك كاكلێن گویزا و هندهك پرتێن گۆشتى ل گهل من بوون بهلێ د كێم بوون چهند من ئێك خواربا من ئێك ددا كاك محهمهد ژى،ئێدى ل مه بوو شهڤ بهلێ ههیڤ یا رۆن بوو ئهم گهلهك چۆین و ب شهروالێن مهڤه كمێلێن بهفرێ چێبوون دیسا ئهم ژ خۆ بێ هیڤى بووین بهلێ ئهم نهراوستیاین ل دهمهكى رۆناهیهك ل پێش چاڤێن من دیاربوو چۆ من دهست قوتان و من گۆت ئێدى ئهم قورتال بووین كاك محهمهد گۆت خێره من گوتێ من رۆناهیهك دیت و بهرزه بوو ماوهیهكى دى ئهز چۆم دهنگێ هندهك مرۆڤان هات دیاربوو د هاوارا مه هاتبوون و گههشتنه مه گۆتن هوون ب سلامهتن من گۆتهَ بهلێ ئهوان گۆتن ههڤالێن ته ل كێدهرن من گۆته وان ئهڤه یێ لدووڤ من،ئهوان ئاڤ و هندهك نان و بهتهنى و هندهك دار ئینابوون بۆ دارهبهستا و ئێدى ئهم نێزیكى گوندى بووین چهند ههڤالهك لگهل من مان و من گۆته وان ههرن كاك محهمهدى ئهو یێ بێ سهروبهره و ئهز هێشتا یێ باشم ئهم گههشتینه گوندى بایێ پشتى 13 دهمژمێرێن رێ دناڤ بهفرێ دا ئهز چۆمه مالهكێ و كاك محهمهد ژى چۆ مالهكێ هندهك ههڤالێن مهژى ل وێ مالێ بوون ئێدى كورسیكهكا دارى بۆ من دانان ل نێزیكى سۆپا داران و چایهك بۆ من ئینان و بێهنا من هات ئێدى خورتێن وان كاله و گۆڕین من ب زهحمهت دانان و شهروالهك بۆ من ئینان و من شیڤخوار و رێزهكا مهزن ل من گرتن و ئهم نڤستین.
سبێ ئهز رابوم و چۆمه جیێ دهست شۆیا گوندى ل پشت وێ مالێ و حهجیهكى ئهز دیتم و چیرۆكا خۆ بۆ گۆت.
س.س
تُتاح هذه الصورة أيضا في: کوردی