ئهنفال و فهرمان ئێك ژێدهربوون بهعسیا و داعش دژى گهلێ كورد ئهنجام داین
مههدى حهسهن
دئهنفالێ دا (182) ههزار كهس ژ موسلمان و ئێزدى و مهسیحیان بێ سهر و شوونبوون
بهریا 34سالا ل رۆژا 25/8/1988 ئهنفالا بههدینان دهستپێكر قۆناغا ههشتێ ئهو ژى پشتى ههفت قۆناغێن دژوار و گران و ب چهكێ قهدهغهكرى دژى خهلكێ سڤیل ل ناوچێن ئازاد و سهربهست بكارئینایى و ههموو چهكێ گران و هێزا خۆ یا شكهستى ل شهرێ ئیرانێ ئینانه سهر كوردستانێ قۆناغ بۆ قۆناغێ ههتا گههشتن بههدینان و قۆناغا ههشتێ دهستپێكر ل (11) دهروكا هێرش كرن ل دهسپێكێ كێمیا و دهرمانێ غهردهلێ هاڤێتن ناڤ چیا و دۆلێن خهلكێ سڤیل لێ ههى و فهتوه دان و ئهنفالێ دهستپێكر، بێشك قهدهرا گهلێ مه و نهتهوا گهلێ كوردستانێ یه ژ دهستێ عهرهب و تورك و فارسێن شۆفێنى ل ههر چار پاڕچێن كوردستانێ كو ئیسلام كرن و بێگانا كوشتن و گرتن و تالانكرنا مال و ملك و عهرد و سامان و شهرهف و ناموسا كوردا ل خۆ حهلالكرن،ههر چهنده ئارمانج ژ ڤێ ههموویێ داگیركرنا ئاخا كوردستانێ بوو ئهڤجا چ بناڤێ داعش یان ژى بناڤێ ئهنفالان كوردستان داگیركرن ههگهر نا ئهڤه بوو بهدیل و وهختهكێ درێژه هندهك ژ كوردا موسلمان بوون پێتڤى ب ئهنفالا نهدبوو ڤێ تاوانا هنده مهزن دهرههقێ گهلێ كوردستانێ ئهنجام
بدهن، د ئهنفالێ دا ل سهر دهستێ رژێما بهعس یا گۆڕ ب گۆڕ (182) ههزار كهس ژ موسلمان و ئێزدى و مهسیحیان بێ سهر و شوونبوون،زێدهبارى پێنچ ههزار گوند وێرانكرن، مزگهفت و كهنیسه و قوب و هلێلێن ئێزدیان دگهل ئێك وێرانكرن، دایك و باب و كچ و كور و ژن و زهلام پێكڤه د ئێك گۆڕى كرن بێى جوداهى كۆمهلكوژیێن مهزن رژێما بهعس دهرههقێ گهلێ كوردستانێ ئهنجامدان و كهس د هاوارا ڤى مللهتى نههات نه(نهتهوهیێن ئێكگڕتى و ئهمریكا و رووسیا و ئهورۆپا)،ئهڤجار چ بێژین هێشتا كێمه.
ئهگهر مرۆڤ بێت و ل سهر كریارێن بهدناڤێن ئهنفالا راوهستت ئهوێن ژلایێ رژێما بهعسا شۆفێنى یێن ل دژى گهلێ كوردستانێ ئهنجام داین ههر ههمان كریار و تاوانێن داعشن ل شنگالێ هاتینه ئهنجام دان،دشیان دایه ب ههزاران چیرۆكێن تراژیدى و رٍۆمان و فلمێن پرٍى ب خهم و كۆڤان دێ ل سهر ئێنه نڤیسین و تۆماركرن،ههر چهنده گهلهك نڤیسهر و دیرۆكنڤیسان ل سهر ئهنفالكرنا گهلێ كوردستانێ نڤیسیه لێ ب هزرا من ئهڤه ههموو دلۆپهكه ژ دهریایى،حكومهتا رژێما بهعس یا شۆفێنى یا گۆڕ ب گۆڕ بێ جوداهیا ئایینى و نهتهوهى ل كوردستانێ شالاوێن لهشكهرى و ب ههمان هزرا ئهبو بهكر ئهلبهغدادى ل شنگالێ بكارئیناین ل ئهنفالا ژى كوشتن و تالانكرنا مال و ملكێن ئێزدیان و موسلمان و مهسیحیان و گرتنا كچ و ژنێن وان بناڤێ ئایهتهكا قورئانێ ئهنفالێن رهش ئهڤا بناڤێ ئهنفالا بههدینان دهست پێكرن كو داوى ئهنفال و قۆناغا ئهنفالێ ل رۆژا 25/8/1988 ل دهڤهرا بههدینان دهستپێكر،دیاره كهرب و كینا عهرهبێن شۆفێنى و نهخاسمه پشتى ههشت سالان شهر دناڤبهرا عێراقا عهرهبى دا و ئیرانا فارسى چێبووین ژ ئهگهرێن خیانهتا سهدام حسێنى كو تهنازل ژ ئاخا عێراقێ كر بهرامبهر شكهستنا شۆرهشا ئهیلولا مهزن و لێڤهبوونا ڕێككهفتنا بهیانا 11ى ئادارێ،دگهل ئیرانێ شهرێ قادسیێ كر و د ئهنجام دا زێدهتر ئێك ملیۆن كهسان هاتنه كوشتن،سهدام حسێنێ گۆڕ ب گۆڕ بهردهوام ههولا نهمانا كوردستانێ دكر بهلێ دارو دهستێن وان تێر خوون نهببوون جارهكا دى ب شێوهیهكێ گهلهكێ هۆڤانه ل دژى گهلێ كوردستانێ ئهنفال و كیمیابارانكرن و خرابكرن و وێرانكرن و تالانكرنا گوندان دهستپێكر،لێ رژێما ژ ناڤچۆى یا بهعسیان ب ههشت قۆناغان ب پشتهڤانیا جاش و شیرهتكارێن خاین (182) ههزار وهلاتیێن كورد ل گهرمیان و سورداش و قهرهداغ و ههلهبجه و خوشناوهتى و بادینان،ئهنفال و جینۆساید و بێ سهروشینكرن،د ڤێ شالاوا درندانهدا زهلام و ئافرهت ژێك جوداكرن و گهلهك ژ ئافرهتان فرۆتنه دهولهتێن عهرهبى مینا سوكا نهخاسمه ئهڤا ژلایێ داعش ڤه هاتیهكرن ل سهر سهرێ ئێزدیان ل شنگالێ،لێ تشتێ جودا ل وى دهمى دا جیهان بێ وژدان ما و كهس نهبوو رێگریێ ل ڤێ رژێما درندانه بگرت، دربا ههره مهزن ل گهلێ كوردستانێ كهفت، لێ تشتێ دلخۆش ل شنگالێ ههر دهملدهست هێزێن ههڤپهیمانێن نێڤ دهولهتى دگهل پێشمهرگههێن قههرهمان د هاوارا شنگالێ گههشتن و خهلكێ كوردستانێ خۆ ل خهلكێ شنگالێ كرنه خودان و ئهفسانهیا داعش شكاندن بهلێ ل ئهنفالێ د چهند خۆلهكان دا پێنج ههزار كهس ل ههلهبجه كیمیابارانكرن و (4500) گوندێن كوردستانێ خرابكرن،مزگهفت و كهنیسه پێكڤه خرابكرن و پهرێن قورئانێ و ئینجیلێ پێكڤه سۆتن قوب لێل و خاسێن ئێزدیان وێرانكرن.
ئهڤ پرۆسه قۆناغ بۆ قۆناغ و دهڤهر بۆ دهڤهر یه بهردهوام بوو تاكو قۆناغا ههشتێ گههشتیه دهڤهرا بههدینان ئانكو ل رێككهفتى (25-8-تاكو-6-9—1988)، ئهوێن برین برن و ئهوێن مایین دورپێچكرن و برنه نێزیكى ههولێرێ ل بهحهركێ و جێژنیكان ئاكنجى كرن و پشكهك ژ خهلكێ شهرهفمهندێ ههولێرێ داكو ل وێ دهشتێ ئهو ژ برسان نهمرن خۆ ل وى خهلكى كرنه خودان، بهلێ جیێ ب مخابنى ڤه ئهڤه نۆزده سالن، گهلهك سال ب سهر ئازادیا عێراقێ دا دهربازبوون هێشتا رووفاتێن ئهنفالكریان نههاتینه زڤراندن كو جیێن وان ل بیابانێن عیراقا فاشل هاتینه دیتن ب تنێ رێژهیهكا ههره كێم یێن رووفاتێن ئهنفالا هاتینه زڤراندن و بهرى چهند رۆژان ب ئامادهبوونا سهرۆك بارزانى و كهس و كارێن قوربانیێن ئهنفالا د رێورهسما سالڤهگهرا ئهنفالان ل بارزان یێ ئامادهبوو.
داكو ئهڤ تاوانا بهرزه نهبن،داخوازێ دكهین پهرلهمان و حكومهتێن ههرێما كوردستانێ و عێراقا فیدرال گهلهك ب رژدى كار ل سهر ڤى كهیسى بكن و یاسایێن تایبهت بۆ دهرێخن ،ژبۆ هندێ زێدهتر گرنگى ب كهس و كارێن وان بێته دان،ئهڤ تاوانا هندا مهزن ئهوا ل دژى ههموو بنهمایێن مرۆڤایهتیێ و رێككهفتنێن مافێن مرۆڤى و جارناما جیهانى یا مافێن مرۆڤى و رێككهفتنێن نێڤدهولهتى یه و دێ مینت خالهكا رهش ب ناڤ چاڤێن بكهرو دوژمنێن مرۆڤایهتیێ و گهلێ كوردستانێ.
س.س
تُتاح هذه الصورة أيضا في: کوردی