ئەمریکا: دێ بەردەوام بین ل سه‌ر پاڵپشتیکرنا هێزێن پێشمەرگەى
باسنيوز:
سەرۆکی ئەرکانی وەزارەتی پێشمەرگەی حکوومەتی هەرێمی کوردستان لەگەڵ تیمی ڕاوێژکارانی هاوپەیمانان لە هەرێمی کوردستان کۆبووەوە.
وەزارەتی پێشمەرگە لە راگەیاندراوێکدا بڵاویکردووەتەوە: “ئەمڕۆ چوارشەممە 1/12/2022، فەریق روکن عیسا عوزێر، سەرۆکی ئەرکانی وەزارەتی پێشمەرگە لە دیوانی وەزارەت پێشوازی لە شاندێکی سەربازی هێزەکانی هاوپەیمانان لە هەرێمی کوردستان بەسەرۆکایەتی کۆڵۆنێڵ سۆریا، بەرپرسی تیمی سەربازی هاوپەیمانان لەهەرێمی کوردستان و شاندێکی یاوەری کرد”.
ئاماژە بەوەش کراوە: “لەو دیدارەدا کە لیوا روکن نەجمەین عومەر جێگری سەرۆکی ئەرکان بۆ ئۆپەراسیۆنەکان و لیواروکن هۆشمەند حیدەر ڕەشید جێگری سەرۆکی ئەرکان بۆئیدارومیرە، لیوا روکن کارزان شەقڵاوەیی بەڕێوەبەری میلاکاتی وەزارەتی پێشمەرگە ئامادەیبون، گفتوگۆ دەربارەی پێکهێنانی سێ لێژنە کرا بو سەردانیکردن و کەشف کردنی شوێنی بارەگاکان و دەستنیشانکردنی کەم وکوڕیەکانیان و ئامادەکردنی دەرخستەیەکی دروست بۆ دابینکردنی پێداویستیە ئیدارییەکانی بارەگای فرقەکان لە ماوەیەکی دیاریکراودا، سەرۆکی ئەرکان ئاماژەی بە گرنگی هەبوونی فرقەکان کردەوە لەناو هێزی پێشمەرگە بە ئامانجی زیاتر کۆنتڕۆڵکردن و سەرکردایەتی کردنی هێزی پێشمەرگە، راشیگەیاند: بە هاوکاری دۆستانمان لە هاوپەیمانیەتی نێودەولەتی بەخێرایی هەنگاو نڕاوە ئێستاش لە قۆناغەکانی کۆتایی ئەم پرۆسەیە داین کەدواجار لە سوودی وەزارەتی پێشمەرگە دەبێت”.
ئەوەش خراوەتە روو: “بەرپرسی تیمی ڕاوێژکارانی هاوپەیمانان لەهەرێمی کوردستان دڵخۆشی خۆی بە ڕێکارەکانی وەزارەتی پێشمەرگە دەربڕی بەتایبەت لەپرسی دروستکردنی فرقەکان و وتیشی دروستکردنی فرقە لەکاتی ئێستادا جێگای دڵخۆشی هەموانە و بە هەنگاوێکی گرنگ و پێویستی دەزانین بۆ ئایندەی هێزی پێشمەرگە، هاوکات دووپاتیکردەوە لە ڕۆڵی خۆیان بەردەوام دەبن لەپاڵپشتیکردنی هێزی پێشمەرگە لەرووی لۆجستی و ڕاوێژکارییەوە”.
تُتاح هذه الصورة أيضا في: کوردی