كووریا باشوور دخوازیت ل ههرێما كوردستانێ كارێن بازرگانى و وهبهرهێنانێ بكهت
هەولێر -KDP.info-
بەڕێوەبەری گشتیی وەزارەتی بازرگانیی حکوومەتی هەرێمی کوردستان گوتی، کۆمپانیا و بازرگانانی وڵاتی کۆریای باشوور دەیانەوێت بێن لە هەرێمی کوردستان کاری بازرگانی بکەن و ئێمەش پێمان ڕاگەیاندوون کە هەموو ئاسانکاری و هاوکارییەکیان دەکرێت.
نەوزاد شێخ کامیل، بەڕێوەبەری گشتیی وەزارەتی بازرگانیی حکوومەتی هەرێمی کوردستان، بۆ ماڵپەڕی فەرمیی پارتی دیموکراتی کوردستان گوتی: ”کۆمپانیا و بازرگانانی کۆریای باشوور هاتوون بۆ هەرێمی کوردستان و دەیانەوێت کاری بازرگانی لە هەرێمی کوردستان بکەن و ئاسانکارییان بۆ بکەین و زیاتریش دەیانەوێت لە هەرێمی کوردستان کاری بازرگانی و وەبەرهێنان بکەن، بۆیە دەیانەوێت دەرفەتیان بۆ بڕەخسێت و ئێمەش ئامادەییمان دەربڕیوە کە بەتەواوی ئاسانکارییان بۆ دەکەین.
نەوزاد شێخ کامیل گوتیشی: دەیانەوێت لە هەرێمی کوردستان کارگە دروست بکەن و سەرمایەگوزاری بکەن و ئێمەش پێمان گوتوون ئاسانکاریی تەواوتان بۆ دەکەین و ڕێنمایی تازە دەرچووە لە بەرژەوەندیی کۆمپانیای بیانیدان و ئێوەش دەتوانن کار بکەن بێ ئەوەی کەس دەست لە کاروبارتان وەربدات و هاوکاریی تەواویشتان دەکرێت.
شێخ کامیل ڕوونیشی کردەوە: ”جارێ هاتوون وەکوو سەرەتایەک بۆ ئەوەی ڕێگایان بۆ خۆش بکرێت و بێن لە هەرێمی کوردستان کاری بازرگانی بکەن، ئێمەش وەکوو حکوومەت ئاسانکاری و هاوکاریی تەواویان دەکەین، چونکە ئامانجمان ڕاکێشانی کۆمپانیا بیانییەکانە بۆ ئەوەی بێن لە هەرێمی کوردستان کار بکەن.”
تُتاح هذه الصورة أيضا في: کوردی