ئەڤرۆ رۆژا جیهانی یا ئازادیا رۆژنامەگەریێ یە
گاڤ
د رۆژا جیهان یا ئازادیا رۆژنامەگەریێ دا نەتەوەیێن ئێکگرتی دوپات کر کو ب بێدەنگکرنا رۆژنامەڤانان نابیت روخسارێ ئیراقێ بهێتە تێکدان.
ل گۆرەی ئامارێن نەتەوەیێن ئێکگرتی، ل سالا بووری 67 رۆژنامەڤان ل سەرانسەری جیهانێ د ئەرکێ خۆ دا هاتینە کوشتن، ئەڤ رێژەیە ٪50 ژ رێژەیا سالا 2021 پترە و سکرتێرێ گشتیێ نەتەوەیێن ئێکگرتی هوشداریێ ددەت.
هەروەسا دیار کر کو ل سالا بووری پترین رۆژنامەڤان ل مەکسیکێ هاتینە کوشتن و ل رێزا ئێکی دهێت بۆ مەترسیا ل سەر ژیانا رۆژنامەڤانان، هەروەسا ل ئۆکراینا ژی 8 رۆژنامەڤان هاتینە کوشتن، هاتینی 5 و سووریێ 3.
جینی پلاسخارت، نوینەرا سکرتێرێ گشتیێ نەتەوەیێن ئێکگرتی ل ئیراقێ ژی بۆ ڤێ رۆژێ بەیانەک بەلاڤ کر و تێدا نڤیسیە” بێدەنگکرن، رێگریکرن، رەتکرن یان لاوازکرنا گۆتارێ بتنێ دو تشتان دەستڤە دئینیت، روخسارێ وەلاتی دهێتە تێکدان و باوەریا جەماوەری ژی دهێتە ژدەستدان.
رۆژا جیهانی یا ئازادیا رۆژنامەگەریێ ل سالا 1993 ژ ئالیێ نەتەوەیێن ئێکگرتی ڤە هاتیە دانان و ئەڤرۆ رۆژا 3/5/2023 د بن دروشمێ (ئاڤاکرنا پاشەرۆژا مافان: ئازادیا رادەربرینێ بزوێنەرێ هەموو مافێن دی یێن مرۆڤانە) دهێتە گێڕان.
تُتاح هذه الصورة أيضا في: کوردی