وهزارهتا كۆچ و كۆچبهران: 293 ئاوارهیێن ئێزدى ڤهگهڕیانهڤه بۆ شنگالێ
گاڤ
وهزارهتا كۆچ و كۆچبهران یا ئیراقێ ئهڤرۆ ئهینیێ راگههاند كو 293 ئاوارهیێن ئێزدى یێن ل كهمپێن پارێزگهها دهۆكێ ب حهزا خۆ ڤهگهڕیانهڤه بۆ جهـ و وارێن خۆ ل شنگالێ.
د بهیانهكا وهزارهتێ دا هاتیه “293 ئاوارهیێن ئێزدى یێن ل كهمپێن پارێزگهها دهۆكێ ب حهزا خۆ ڤهگهڕیانهڤه بۆ جهێن خۆ یێن رهسهن ل قهزایا شنگالێ”.
ديار ژى كر “ئهڤ چهنده د چارچووڤهیێ پلانێن وهزارهتێ دایه ژ بۆ نههێلانا بابهتێ ئاوارهبوونێ ل ئیراقێ”.
ئاماژه ب وێ چهندێ ژى كریه كو وهزارهتێ كادرێن خۆ راسپاردینه دا كو دویڤچوونا رهوشا خێزانێن بۆ دهڤهرێن خۆ ڤهگهڕیاین بكهن و ب ههڤكارى ل گهل رێكخراوان پێدڤیاتیێن وان دابین بكهن.
خۆیا ژى كر كو وهزارهت بهردهوامه ب تۆماركرنا ناڤێن وان خێزانێن دڤێن ب حهزا خۆ ژ كهمپێن ههرێما كوردستانێ بۆ دهڤهرێن خۆ بڤهگهڕن.
تُتاح هذه الصورة أيضا في: کوردی