كونسۆلێ گشتییێ ئەمریكا ل هەرێمێ سوپاسییا نێچیرڤان بارزانی كر
خانى نيوز:
نێچیرڤان بارزانی، سەرۆكێ هەرێما كوردستانێ، ب هەلكەفتا دووماهیك ئینانا كارێ كونسۆلێ گشتییێ ئەمریكا ل هەرێما كوردستانێ پێشوازی ل ئیرڤن هیكس جوونیەر كر.
نێچیرڤان بارزانی، سەرۆكێ هەرێما كوردستانێ سوپاس و پێزانین بۆ كونسۆلێ گشتییێ ئەمریكا دووپات كر بۆ ئەو كار و خزمەتا د دەمێ كاركرنێدا ل هەرێما كوردستانێ پێشكێشكری بۆ پێشڤەبرنا پەیوەندییێن ئەمریكا دگەل هەرێما كوردستانێ، هەروەسا هیڤییا سەركەڤتنێ د كارێ وی دا بۆ خوازت.
ژ لایێ خۆڤە ئیرڤن هیكس جوونیەر، كونسۆلێ گشتییێ ئەمریكا ل هەرێما كوردستانێ كەیفخۆشییا خۆ بۆ ئەو دەمێ ل هەرێما كوردستانێ كاركری دیاركر، سوپاسییا نێچیرڤان بارزانی و لایەنێن پەیوەندیدار یێن هەرێما كوردستانێ كر بۆ هاریكاری و پشتەڤانییا وان د دەمێ كاركرنێدا، هەروەسا هیڤییا سەركەڤتن و پێشكەڤتنێ بۆ گەلێ كوردستانێ خوازت.
تُتاح هذه الصورة أيضا في: کوردی