رێكخراوهكا نێڤدهولهتى ئهنفال و تاوانێن داعش دژى كوردان ب جینۆساید ناساندن
گاڤ
بریكارێ وهزارهتا شههیدان و ئهنفالكریان یا ههرێما كوردستانێ راگههاند كو رێكخراوا IAGS یا نێڤدهولهتى ههوێن ئهنفالان ههروهسا كارێن تیرۆرستى یێن داعش ل بهرانبهر پێكهاتهیێن گهلێ كوردستانێ ب جینۆساید ناساندن.
رێكخراوا ئێكهتیا زانایێن نێڤدهولهتى یێن جینۆسایدێ IAGS پرۆژهبڕیارا ب جینۆساید ناساندنا ئهنفالێ و كارێن تیرۆرستى یێن داعش ل دژى گهلێ كورد پهسهندكر و ل گۆرهى بریكارێ وهزارهتا شههیدان ئهڤه بۆ جارا ئێكێ یه رێكخراوهكا نێڤدهولهتى دانپێدانێ ب وێ چهندێ بكهت كو ئهوا هاتیه كرن جینۆساید بوو.
بهرهڤان حهمدى د پرێس كۆنفرانسهكێ دا ئهڤرۆ پێنجشهمبیێ راگههاند “پشتى وهزارهتا شههید و ئهنفالكریان یا حكومهتا ههرێما كوردستانێ ب ههڤپشكى ل گهل رێكخراوا KG LOBBY CENTER پرۆژهبڕیارا ب جینۆساید ناساندنا تاوانێن دژى گهلێ كورد ل ئیراقێ پێشكێشى رێكخراوا IAGS كرى، د ئهنجام دا پرۆژهبڕیارا ب جینۆساید ناساندنا شالاوێن ئهنفالێن ههلهبجه، بارزانیان، فهیلیان و كارێن تیرۆرستى یێن داعش دژى پێكهاتهیێن كوردستانێ پتریا دهنگان بدهستڤهئینان و ب جینۆساید هاتنه ناساندن.
تُتاح هذه الصورة أيضا في: کوردی