بزاڤ و چالاکیێن تیپا شاریا دڤيستهڤالێن وەلاتێ هندستانێ دا ل كۆمهلگهها شاريا هاتنه نيشاندان
تۆڕا لالش:
ب ئامادەبوونا ههژمارەکا زۆر ژ مامۆستا و ڕەوشنبیر و موختار و ڕیهـ سپیێن کۆمەلگەهێ،ئيرۆ ڕۆژا ئينيێ 24چريا دووێ 2023، بنگەهێ لالش تایێ شاریا ب هەماهەنگی دگەل هەردوو ڕێکخراوێن ( شاریا و رۆژهەلات ) ڕابوون ب سازکرنا سمینارەکێ بۆ “ئيسماعيل شێخ ميرزۆ” بهرپرسێ تیپا شاریا یا هۆنەرێ مللی ل ژێر ناڤ و نیشانێ بزاڤ و چالاکیێن تیپا شاریا یا هۆنەرى ب تایبەت ل وەلاتێ هندستانێ.
ل دەستپێکێ ڤیدیۆیەکا ديکیۆمێنتاری ل سەر کار و بزاڤ و چالاکیێن تیپا شاریا هاتە نیشاندان ، پاشان دەست ب پێشکێشکرنا سمینارێ هاتە کرن ژلایێ بهرپرسێ تیپا شاریا کو تێدا تەکەزی ل بزاڤ و کار و چالاکیێن تیپا شاریا کر ل ناڤخۆ و ژ دەرڤەیی هەرێمێ و دياركر كو ب نوونەرایەتیا هەرێما کوردستانێ و وەلاتێ عێراقێ پشکداری د ڤیستەڤالا وەلاتێ هندێ دا کر کو مەزنترین ڤیسەڤالا هۆنەرێ مللی بوو ، د ڤێ پشکداریێ دا تيپێ چەندین خەلات و ڕێزلێنان وەرگرتن ل باژێرێن جودا جودا ل هندستانێ چالاکیێن خۆ پێشکێشکرن و بوونە جهێ سەرسۆرمانیێ بۆ خەلکێ وەلاتێ هندێ.
بهرپرسێ تيپا شاريا خوياكر ژى ئهو دێ دبەردەوام بن ل سەر کارو بزاڤ و چالاکیێن خۆ بۆ ناساندنا کەلتۆر و داب و نەریت و گوڤەند و دیلانێن کوردی ب تایبەت یێن ئێزدیان ، دیسان تیپا شاریا هەردەم ئامادەیە بەردەوام بەشداریێ د ڤیستەڤالێن نێڤدەولەتی دا بکەت ژ بۆ ناساندنا کەلتۆرێ کوردێن ئێزدی.
پاشان بهرپرسێ تيپا شاريا ژلایێ بنگەهێ لالش تایێ شاریا ڤە ب دوو خەلاتان هاتە خەلاتکرن ،ئێک ژێ ب وێنەیەکی سەرۆکێ حکومەتا هەرێمێ ڕێزدار مسرور بارزانی و دوو ب خەلاتێ ڕێزلێنانێ .
تُتاح هذه الصورة أيضا في: کوردی