بەغدا داخوازا لیستا مووچەیێن فەرمانبەرێن هەرێما کوردستانێ کر
گاڤ
وەزارەتا دارایی یا ئیراقێ داخواز ژ وەزارەتا دارایی یا هەرێما کوردستانێ کریە لیستا مووچەیێن فەرمانبەران ب هنێرن.
ل گۆرەی نڤیسارەکا وەزارەتا دارایی یا ئیراقێ کو دوهی بۆ هەمی سازیێن ئیراقێ و وەزارەتا دارایی یا هەرێما کوردستانێ ژی هاتیە هنارتن، حکومەتا ئیراقێ داخوازا لیستا مووچەیێن فەرمانبەران کریە بۆ هەیڤا کانوونا دویێ و هەیڤێن دیفدا داکو بۆ فەرمانگەها ژمێریاریی یا وەزارەتا دارایی یا فیدرالی یان گەنجینەیێن پارێزگەهان بهێنە هنارتن تاکو جڤاتا وەزیران و پەرلەمان رازیبوونێ ل سەر خشتەیێ بودجەیی بدەن.
هەروەسا تێدا هاتیە، پێدڤیە مووچەیێن بنەرەتی یێن فەرمانبەران، هەمی دەرمالە و پارەیێ لێبرینا خانەنشینی د لیستێ دابن داکو پشتی هویربینیێ ب رێکا رێڤەبەریا گشتی یان پشکا ژمێریایی یا بەرهەڤ بیت و د خەرجیێن هەیڤانە دا پشتبەستنێ ل سەر بکەن.
تُتاح هذه الصورة أيضا في: کوردی