سه‌رۆك بارزانى: هه‌ر دو ئێكه‌تیێن قوتابیان و لاوان ب چه‌كێ زانستى خزمه‌تا گه‌لێ كورد دكه‌ن
گاڤ
سه‌رۆك مه‌سعوود بارزانى په‌یامه‌ك ب هه‌لكه‌فتا سالیادا هه‌ر دو رێكخراوێن ئێكه‌تیێن قوتابیان و لاوان به‌لاڤكر و راگه‌هاند، قوتابى و لاوێن كوردستانێ هه‌ر ژ ده‌ستپێكا دامه‌زراندنێ و تا ئه‌ڤرۆ رۆله‌كێ خه‌باتكه‌ر د بزاڤا رزگاریخوازا كوردستانێ دا هه‌بوویه.
سه‌رۆك مه‌سعوود بارزانى پیرۆزباهى ل ئێكه‌تیێن قوتابیان و لاوان كر و راگه‌هاند، قوتابى و لاوێن كوردستانێ ژ ده‌ستپێكا دامه‌زراندنێ و تا ئه‌ڤرۆ سه‌نته‌رێ پێگه‌هاندنا نفشێن ب وه‌فا، خه‌باتكه‌ر و سه‌ركرده‌یێن ب شیان بوویه و هه‌رده‌م تێهنه‌كا نوى دایه بزاڤا رزگاریخواز یا كوردى و د وێ رێكێ ژى دا قوربانى داینه.
هه‌روه‌سا سه‌رۆك بارزانى دبێژیت: هه‌ر دو ئێكه‌تیێن قوتابیان و لاوان د قۆغا نوكه دا پێدڤیه ل ئاست چاڤه‌ڕێبوونا كۆمه‌لگه‌هی و دیتنا ره‌وایا گه‌لێ خۆ دا بن، قوتابى و لاو هه‌رده‌م ئۆمێدا گه‌لێ كوردستانێ نه و پێدڤیه د خه‌بات و تێكۆشینا خۆ دا پابه‌ندى بهایێن بلند یێن رێبازا كوردایه‌تێ و نشتیمان په‌روه‌ریێ بن.
سه‌رۆك بارزانى دازانین ئێكه‌تیێن قوتابیان و لاوان ب چه‌ك و زانستى و هشیاریێ خزمه‌تا ئارمانجێن بلند یێن گه‌لێ كوردستانێ و پێگه‌هاندنا گه‌نج و لاوان ب هۆشیارى و باوه‌رى بكه‌ن.
تُتاح هذه الصورة أيضا في: کوردی