تۆرا لالش
راپۆرتێن رۆژنامەڤانی دەستنیشانکرنا دهستپێكی یا وێ هنگافتنێ ئاشکرا کرن کو دانی سێبایۆسێ یاریزانێ یانەیا ریال مەدرید د دەمێ یارییا وان دگەل یانەیا ریال سۆسیداد، د یارییا چوونا قۆناغا پێش داویێ یا جاما شاهێ ئیسپانیا ل یاریگەها ریالی ئارێنا تووش بوویە.
سیبایۆس د خولەکا 92 دگەل کوبۆیێ یاریزانێ یانەیا ریال سۆسیداد بەریەک کەفتن و تووشی هنگافتنێ بوو.
سێبایۆس ب هاریکارییا ستافێ پزیشکی یێ یانەیا ریال مەدرید ب گری ڤە ژ یاریگەهێ دەرکەفت و ب ئاشکرایی دیار بوو کو ئازارەکا مهزن رووبرووی وی بوویه و ئەو ژی نیشانەیەکە بۆ گرانییا پێکانا وی.
چاڤكانیێن رۆژنامەڤانی باسێ دکەن کو ل گۆر وان زانیارییان کو ژ سەرچاوەیێن نێزیکی یانەیا شاهانە هاتینە وەرگرتن، یاریزان دێ 3 بۆ 4 حەفتییان ژ یارییان دوور کەڤیت، لێ پسپۆرەکێ چارەسەرییا فیزیایی ل گۆر شرۆڤەکرنێن خۆ ل سەر بنەمایێ ئەوا دیتی د دەمێ دەرکەفتنا سێبایۆس ژ یارییێ، مەزندە دکەت کو پێکانا وی گرانترە ژ وێ یەکێ کو تێ گۆتن.
ل گۆر وان زانیارییان کو ژ لایێ چارەسەرکەرێ فیزیکی، سامر ئەلشەهرانی ڤە هاتینە دان، سێبایۆس پشتی دروستبوونا گوشارەکا مهزن ل سەر ماسوولکەیا وی یا پشت رانێ چەپێ تووشی پێکانێ بوویە و ئەڤه ژی دبت کارتێكرنێ ل سەر ماسوولکەیان ههبت چنکو هندەک جاران دبتە ئەگەرێ دڕاندنا ماسوولکێ.
ئاماژە ب وێ چەندێ ژی کرییە، کو بەرسڤدان و ئازارا وی ب هێز بوویە و شیانا مەشیانێ نەبوویە، ل گۆر وی باردۆخی کو یاریزان تێدا دیتییە د دەمێ دەرکەفتنا وی ژ یاریگەهێ، ب ئەگەرەکێ زۆر ڤە تووشی دڕاندنا پلا دوو یان پلا سێیێ بوویە.
ئەڤی نوژداری بتر رۆنكرییه: پلا ئێک دبتە ئەگەرێ دوورکەفتنا یاریزانێ هنگافتی ژ 10 هەتا 14 رۆژان، پچراندنا پلا دوو دبتە ئەگەرێ دوورکەفتنێ ژ 4 هەتا 6 حەفتییان، لێ پچڕاندنا پلا سێ دبتە ئەگەرێ دوورکەفتنا وی ژ 10 هەتا 12 حەفتییان و دبت ژی پێتڤی ب نەشتەرگەرییێ هەبت.
ل گۆر گۆتنا نوژداری ئەگەر پچڕاندنا سێبایۆس یا پلا دوو بت یان سێ، دێ ژ وێ ماوەیێ زێدەتر دوور کەڤت یا کو وان بۆ وی پێشبینی کری، لێ ئەگەر پلا سێ بت ئاریشه دێ مەزن بت.
تُتاح هذه الصورة أيضا في: کوردی