قەرتە ژن و پەنابەری
چنار شمو قاسم
دەمێ بەحسێ گەنجا دئێتە كرن د وەلاتێ مەدا، بێكاری و بێ ئومێدی و بێ جهێن بێهنڤەدانا گەنجی و بێ پارەیی و بێ چاكسازیا جڤاكی و بێ داد پەروەری و بێ و بێ … ئەڤە هەموو هۆكارن كو گەنج بەرەڤ وەلاتێن بیانی بچت دا د ژیانا خوەدا ئەوان ئۆمێدێن خوە ب جیه بینت ئەوێن نكاری ل وەلاتێ خۆ بدەستخۆڤە بینت.
لێ دیاردا جهێ هەیبەتیی و شەرمەزاریێ كو دناڤا جڤاكا مە ئێزدیان دە بەلاڤەبووی چۆنا ژنێن ب تەمەن مەزن ( قەرتە ژنان )بۆ دەرڤەی وەلاتی بیێ زەلامێ خۆ و ب رێكێن قاچاغ و زۆر مەترسیدار و ب ماندیبوونەكا زۆر مەزن وخێزانا خوە د جهدە دهێلن و بەرەڤ ئەوروپا ڤە دچن و بتریا وان ب رێڤە تووشی نیڤ مرنێ دبن و هندەك دە ه رۆژا دناڤا دارستاناندە دمینن بێی خوارن وڤەخوارن ، بەلێ هندەك خودان خێر خۆ لێ دكن خودان و دگەل خو دبن ، ئەگەر نە وێ تەیر و تەوال گۆشتێ وان بخون و بتریا وان ئەوێن گەهشتین بۆ ماوەیەكی درێژ د خەستەخانان دە دمینن و هندەك پەككەفتی دبن.
ئەرێ ئەگەر چنە ئەڤ ژنێن تەمەن مەزن زەلامێن خۆ و خێزانا خۆ د جیه دە دهێلیت و بەرێ خۆ ددەنە ریا چۆن و نەهاتنێ و تووشی روودانێن مەزن دبن و زلامێ وان ژی وەكی ئێخسیرا د مالدە دمینن و بتریا وان تووشی نەخۆشیێن دەرونی دبن و ژنك ژی ل دەرڤەی وەلاتی تووشی تەپەسەریێ دبت و هەست ب پۆشمانیەكا مەزن دكن ،ئەرێ ئەو ژن و زلام چاوا ژیانا خۆ یان بیست سیه سالی ب دوماهیك دئینن و خۆ تووشی ڤان ئاریشان دكن و خێزانا خۆ یا بەختەوەر تێك ددەن ، ئەرێ ما روحا وێ موهم ترە ژ روحا ئەندامێن دی ێین خێزانا وێ ،دڤیا بەس بت ژێكڤەكرنا خێزانێ بلا بەسبت خەلەتی ،یان بلا پێكڤە بچن یانژی پێكڤە بمرن بۆ وان هەزار جاری باشترە ژ وی حالێ تێدە ، چی ژن بت یان زەلام .
تُتاح هذه الصورة أيضا في: کوردی