پهرلهمانتارهكێ كورد:پێدڤی بوو بەری سێ سالا ریفراندۆم هاتبا ئەنجام دان
تۆرا لالش يا راگههاندنێ
نوونەرەكێ كورد لە ئەنجوومەنێ نوونەرێن عێراقێ دیاركر، ل سەرەدانا ڤێ جارێ یا شاندێ هەرێما كوردستانێ دا، هاوبەشیا كورد لگەڵ عێراقێ دێ ئێتە بەحسكرن دبێژت ژی ئەگەر بەری سێ سالا مە خۆ ژ عێراقێ جوداكربا،نۆكە لگەل ڤان قەیرانانە رووبەرو نەدبووین.
د.عەرەفات كەرەم،پەرلەمانتارێ پارتی ل ئەنجوومەنێ نوونەرێن عێراقێ ب مالپەرێ فەرمیێ پارتی دیموكراتی كوردستان راگەهاند،بریارە شاندەكێ هەرێما كوردستانێ بۆ دانوستاندن دەربارەی چەند پرسان بچتە بەغدا و ئارمانجا شاندی هاوبەشیا كوردە ل عێراقدا،چنكو تاسەر خەلكێ مە بێ مووچە و بودجە و شەرێ داعش هەروە نامینت،خۆ ئەگەر بەری سێ سالا هەرێمێ خۆ لگەل بەغدا ئێكلا كربا،نۆكە رەوشا هەرێما كوردستانێ ب ڤی شێوەی نەدبوو،پێدڤی بوو بەری سێ سالا ریفراندۆم هاتبا ئەنجامدان و سەربەخۆیا خۆ مە راگەهاندبا.
پەرلەمانتارێ كورد گۆتژی ئەگەر ئەم ببینە دەولەت هەلبەت قەیرانێن نۆكە نامینن و دبینە ئەندام لە نەتەوەیێن، وی وەختی ئەركێ دەستوور و قانوونی دێ مە هەبت،هەروەك چاوا یونان تووشی قەیرانا ئابووری بوو،ئێكەتیا ئەوروپا دەست گرت تا رزگار دبت،بەلێ ئەم كو دەولەت نینین هەر دێ ڤەگەرین بۆ بەغدا.
د.عەرەفات دبێژت ژی نابت هەر وەخەتەكی بەغدا ب هێز بت وێ ب سەردا بێنێ و كو لاواز ژی بوو هانێ بۆ هەرێما كوردستانێ بینت،ل سەرەدانا ڤێ جارێ یا كورد ئەو لگەل بەغدا ئێكلا دبت،خۆ مەرج ژی نییە بەغدا رازی ببت،ئەڤجا ریفراندۆم بكەین،ڤێ جارێ كورد دێ خۆ ئێكلا كن ئەگەر لگەڵ عێراقین پێدڤی یە یاسا و دەستوور بێتە جێبەجێكرن، ئەگەر ئەو نەهاتەكرن خۆ نابت رێشتنا ئەڤ هەموو خوونا شەهیدێن مە بۆ وێ چەندێ بت لگەل عێراقێ بین و بەغدا هەر مە ب سەردا بێنێت كو ئێنایە.
تُتاح هذه الصورة أيضا في: کوردی