دژهتیرۆرێ مهزنترین تاخێ فهللووجه رزگاركر
وار
دژه تیرۆرا عێراقێ مهزنترین تاخێ فهللووجه ژ دهستێ داعشێ رزگار كر و دههان چهكدارێن وێ رێكخستنا تیرۆرستی لێ كوشتن.
ئۆپهراسیۆنا فهللووجه بهردهوامه و د داوى پیشهات دا، هێزێن دژه تیرۆرێ ل ئالیێ باشۆر، پرانییا تاخێ شوههدا ئێك، كو مهزنترین تاخێ فهللووجهیه رزگار كرن و ب ڤێ چهندێ، شهڕ نێزیكی سهنتهرێ باژاڕی بوو و تنێ تاخێ نیزال مایه كو هێزێن عێراقێ بگههنه كۆمهلگهها حكومی ل سهنتهرێ باژاڕێ.
ل گۆری فهرماندهیا ئۆپهراسیۆنا رزگاركرنا فهللووجه، هێشتا خهلكهكێ زوور د فهللووجه دا مایه و ئهڤه ب ئاستهنگا ههره سهرهكی ل همبهری پێشڤهچوونا هێزێن عێراقی دهێنه ههژمارتن.
ههر یهك ژ تاخێن شوههدا ئێك، شوههدا دو و نعێمییه هاتینه رزگار كرن، لێ ههر یهك ژ تاخێن نیزال و جۆلان كو ب جهێ سهرهكیێ داعشێ دئێنه ههژمارتن، هێشتا شهڕی لێ دهستپێنهكرییه.
تُتاح هذه الصورة أيضا في: کوردی