ب مێرخاسانە داعشەكی دكوژت و دبتە ئەگەرا رزگاركرنا پتر ژ پێنج پێشمەرگەیان
تۆرا لالش یا راگەهاندنێ
شاندەكێ نڤیسینگەها لالش مەهەتێ سەرەدانا پێشمەرگە”شێخ حەسەن شێخ رەشو”ل گوندێ مامرەشان كرن،كو بەری چەند رۆژان ل شنگالێ د هێرشەكا تیرۆرستێن داعشێ دا ب سڤكاتی بریندار دبت،ب مێرخاسانە داعشەكی دكوژت و دبتە ئەگەرا رزگاركرنا پتر ژ پێنج پێشمەرگەیێن دی.
ل رێككەفتی(20/8/2016)شاندەكێ نڤیسینگەها لالش ل مەهەتێ ب سەرپەرشتیا”مەهدی حەسەن بەرپرسێ نڤیسینگەهێ و”پیر خەلات ئەلیاس” و”قوال بكر”ئەندامێن نڤیسینگەهێ و “سعید بیبو”مجێورێ مەهەتێ وچەند هەڤالێن دیتر دگەل دا،ژبەر مێرخاسی و چەلنگیا وی سەرەدانا پێشمەرگە”شێخ حەسەن شێخ رەشو”كرن و داخوازا سلامەتێێ ژێرا خواستن و دەستخۆشی لێ كرن بۆ ڤێ مێرانی و قارەمانیا وی.
ژبال خۆڤە پێشمەرگە”شێخ حەسەن شێخ رەشو” بەحسێ داستانێ و مورالا پێشمەرگەی وًكوشتنا داعشەكی ب دەستێ وی و سێ داعشێن دیتر ب دەستێ هەڤالێن وی كر.
ل داویا سەرەدانێ “قوال بكر” و “پیر خەلات” وكەسایەیتێن ئاینی دوعا ژ خودێ مەزن خواستن خودێ تەعالا شەفاعەتێ بدەتە وی و هەڤالێن وی یێن برینداربووین.
تُتاح هذه الصورة أيضا في: کوردی