بهرپرسێ بنگههێ لالش:ئەوا جیلان و خێزانا وێ تووشبوویێ ژدەستێ گرۆپێ داعش،كۆمكوژیا بكۆمه
تۆرا لالش یا راگەهاندنێ
بیرەوەرییا دووێ یا جانگۆری(جیلان بەرجس) یا خۆ ل زیندانێن داعشێ كوشتی،ل هۆلا لالش ئێك شاریا هاتە ساخكرن،بەرپرسێ بنگەهێ لالش ل كۆمەلگەهێ دبێژت:ئەوا جیلان و خێزانا وێ تووشبوویێ ژ كوشتن و سەبیكرن و چەوساندن ژدەستێ گرۆپێ داعش یێ تیرۆرستی،دئێتە هژمارتن ب كۆمكوژیا بكۆم.
بنگەهێ لالش تایێ شاریا ب هەماهەنگی لگەل نڤیسینگەها لالش گرعزێر،بیرەوەرییا دووێ یا جانگۆری(جیلان بەرجس) یا خۆ ل زیندانێن داعشێ كوشتی، ل رێككەفتی 20/8/2016،ب ئامادەبوونا ژمارەكا كەسایەتی و كادرێن حزبی و ریهسپی و رەوشەنبیر و خێزانا جانگۆریێ و ئاوارەیان و خەلكێ شاریا ل هۆلا لالش ئێك ل كۆمەلگەهێ ساخكر.
پشتی خۆلەكەك سەكنین ژبۆ گیانێ جانگۆریێن كوردستانێ و كارەساتا شنگالێ،رێورسمێن بیرەوەریێ دەستپێكرن،ل دەستپێكێ بەرپرسێ بنگەهێ لالش ل شاریا(دلگەش سەلیم)پەیڤەك پێشكێشكر و دئاخفتنا خۆ دا بخێرهاتنا مێڤانان كر و رۆناهیەك خستە سەر ژیانا جانگۆری(جیلان) و دووپاتكر كو ئەوا جیلان و خێزانا وێ تووشبوویێ ژ كوشتن و سەبیكرن و چەوساندن ژدەستێ گرۆپێ داعش یێ تیرۆرستی،دئێتە هژمارتن ب كۆمكوژیا بكۆم.
هەر درێورسمێن چالاكیێ دا،شانۆگەریا(جیلان)ب زمانێ ئنگلیزی هاتە نمایشكرن،ل دووڤ دا نوونەرێ خێزانا جانگۆری جیلان پەیڤەك پێشكێشكر و ل پێرە هۆزانڤان(خودێدا كرتو)هۆزانەك ل سەر كارەساتا شنگالی خووند و پاشی سترانا هۆنەرمەند(فەرسەت غەزالی)هاتە نیشاندان.
هەروەسا ب بەخشینا وینەكی جانگۆری جیلان بۆ خێزانا وێ چالاكی ب داوی هات.
تُتاح هذه الصورة أيضا في: کوردی