رێكخراوا هارتلاند پرۆژەیەكی پێشكێشی بنگەهێ لالش دكت
تۆرا لالش یا راگەهاندنێ
رێكخراوا(هارتلاند)یا كو گرنگیێ ب كاروبارێن یاسایی ددەت، رابوویە ب ڕێكخستنا ڕەش نڤیسا پڕۆژەیێ ڕاستڤەكرنا یاسایا پاراستنا كێمینەیان ب كاروبارێن یاسایڤە و ب نیازە پێشكێشی حكوومەتا هەرێما كوردستانێ بكت، كو بۆ پەرلەمانی بێتە بلندكرن و خووندنێ وێ و دەنگدان ل سەر بێتە دان.
دوهی رۆژا دووشەمبوویێ 22/8/2016،شاندەكێ رێكخراوا(هارتلاند) بۆ بەحسكرنێ ل دۆر ڕاستڤەكرنا یاسایێ و ڤەخواندنا وێ بەری هنارتنێ بۆ پەرلەمانێ،سەرەدانا دەستەیا بلندا بنگەهێ لالش ل دهۆكێ كر و ژبال”شەمو قاسم” ئەندامێ دەستەیا بلند وبەرپرسێ لژنا رەوشەنبیری یا بنگەهێ ڤە هاتە پێشوازیكرن.
ژئالیێ خۆڤە”شەموقاسم”سۆزدا پرۆژەی پێشكێشی سەرۆكێ دەستەیا بلندا بنگەهێ لالش بكت،بۆ خووندنێ ل سەر و نیشاندانێ ل سەر لژنەكا تایبەتمەند ژ یاسازانێن ئێزدی و پێشكێشكرنا تێبینیان،ژبۆ دەولەمەندكرنا پڕۆژەی بۆ خزمەتكرنا ئێزدیان و پاراستنا مافێ وان یێ ڕەوا وەك كێمینە تایبەتمەندیا خۆ یا ئاینی هەیە.
تُتاح هذه الصورة أيضا في: کوردی