رێكخراوا داك هەوەكا هشیاركرنێ ل شەش كەمپان دەستپێكر
تۆرا لالش یا راگەهاندنێ
رێكخراوا داك ب پشتەڤانی و هەماهەنگی لگەل رێكخراوا هاریكار،هەوەكا هشیاركرنێ ب بریارا 1325 ئەوا جڤاتا ئاساییشێ ل سالا 2000ێ بریارێ ل سەر دایی، دەستپێكر كو پاراستنا ژنان ژتوندوتیژیێ ل دەڤەرێن ململانێ بخۆڤە دگرت.
ڤێ هەوێ ل رێككەفتی 22/8/2016دەستپێكریە و دێ بۆ ماوێ دوو هەفتیان یا بەردەوام بت ل كەمپێن(قادیا،چەم مشكو،كەبەرتوو1،كەبەرتوو 2،شاریا،باجد كندال)كو ژ پێنج ئالیان پێك دئێت ئەو ژی پشكداریكرن و خۆپاراستن و هاوارهاتن.
سوزان سەفەر،بەرپرسا رێكخراوا داك بۆ مالپەرێ(تۆرا لالش یا راگەهاندنێ)دیاركر:”ئارمانج ژ ڤێ هەوێ دانەنیاسینا ڤێ بریارێ یە بۆ تەخا رەوشەنبیران ژ چالاكڤانێن ل بیاڤێ مافێ مرۆڤی دا ل كەمپان،بریارا دەركەفتی ژبال جڤاتا ئاساییشێ ڤە ل سالا 2000ێ یا كو ژنێ و ئاسایشێ و ئاشتیێ پێكڤە كۆم دكت،ئەڤ بریار گرنگیێ ل سەر پشكدارییا ژنێ بۆ بەرقراربوونا ئاشتی و ئاسایشێ دكت و پشكداریكرنا ژنێ ل سەر هەموو ئاستێن دروستكرنا بریاردانێ و ل دەزگەهێن نشتیمانی و هەرێمایەتی و نێڤ دەولەتی و ئالیاتێن نەهێلانا ناكۆكیێ و دانوستاندنێ ئاشتیێ و ئۆپەراسیۆنێن پاراستنا ئاشتیێ”.
ئەو چەندە ژی دیاركر:”كو ژن ل عێراقێ تووشی هەموو جۆرێن پێشلكاریان ژكوشتن و گرتن و دەستدرێژیكرنێ بوویە”.
بریارا دەركەفتنا ڤێ بريارێ ژبال جڤاتا ئاساییشێ ڤە ل سالا 2000ێ،تنێ 21وەلاتان بجهئینایە ژ ناڤبەینا 193وەلاتێن ئەندام تێدا و ژ وانا وەلاتێ عێراقێ.
تُتاح هذه الصورة أيضا في: کوردی