شێخ شامۆ:دێ هەولدەین کەمپینا لالش یا بەردەوام بت
تۆرا لالش یا راگەهاندنێ
درێورسمەكێ دە،دوهی 30ئابا 2016ێ،چەند چالاكی ب هەلكەفتا ب داوی هاتنا كەمپینا لالش یا رەوشەنبیری بۆ قوتابیێن شنگالێ یێن تێكرایا وان 90و پێهەل دە ل ناوچەدارییا زاویتە هاتنە ئەنجامدان و ئاهەنگا دەرچوونێ ب رێڤەچوو و باوەرنامێن رێزلێنانی ل سەر قوتابییان و سمینار بێژان یێن بەشداری ل كەمپینێ دە كرى هاتنە بەخشین.
ب ئامادەبوونا”شێخ شامۆ”ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش و نوونەرێ بۆردی كاروبارێن مرۆڤایەتی ل پارێزگەها دهۆكێ و رێڤەبەرێ رێكخراوا هاریكار و چەندین ئەندامێن دەستەیا بلندا بنگەهێ لالش و تایێن بنگەهی و نوونەرێن چەندین رێكخراوان یێن بەشداری كری دسەركەفتنا كەمپینێ دە و نوونەرێ ناوچەدارییا زاویتە دەزگەهێن ئەمنی،دوهی ل دانێ هێڤاری ئاهەنگا رێزلێنانێ یا دەرچوونێ بۆ قوتابیان هاتە گێران،دڤان رێورسمان دە”جەعفەر سمۆ”رێڤەبەرێ كەمپینێ بخێر هاتنا مێڤانا كر و ب كورتی كا چ دكەمپینێ هاتیە كرن دا دیاركرن كو چەند رۆژا و چاوا ب رێڤە چوو،دیسان سوپاسی و پشتەڤانیا “شێخ شامۆ” كر كو ئەڤ بیروكە یاوی و هزرا وی بوو و هەر ئە وی بۆمە رازەمەندی ئینا و بەردەوام پشتەڤانێ مە بوو هەتا مە كاری سەركەفتنێ ب دەست خۆڤە بینین و ب شێوەیەكێ باش ب رێڤەببەین،هەروەسا سوپاسیا كارگێریا پارێزگەها دهۆكێ و بۆردێ كاروبارێ مرۆڤایەتی و رێكخراوا هاریكار كر بۆ پشتەڤانیا وان و هەركەسەكێ سمینار گۆتی و ئەوێن بەشداری دسمینارا دا كری سوپاسیا هەموویان كر و دەست خۆشی ل قوتابیان كر،بۆ هەڤكارییا وان و داخوازا سەركەفتنێن مەستر ژوان را خواستن.
شێخ شامۆ، ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش دكورتە پەیڤەكێ دە پیرۆزباهی ل قوتابیان كر و داخوازكر وەكی دلێ وان ئەڤ كەمپینە ب رێڤە چوو بە و مفایه كی باش كربە بۆ سەركەفتنێن مەستر دپاشەرۆژا وان دە،هەروەسا سوپاسیا لژنا سەرپەرشتا كەمپینێ و كارگێرییا پارێزگەها دهۆكێ و رێكخراوا هاریكار كر و هەر كەسەكێ بەشداری دسمیناران دا كری سوپاسیێن خۆ ئاراستەكرن و هیڤی خواست ل پلانێن بێن و دەمێن داهاتی دا بكارن ل سەر ڤان جۆرە كەمپینە دبەردەوام بن ب پشتەڤانیا رێكخراو و كارگێریا پارێزگەها دهۆكێ.
ژلایێ خۆڤە بەرپرسێ رێكخراوا هاریكار دپەیڤەكێ دە پشتەڤانیا خۆ دیاركر و دەست خۆشی ل سەركەفتنا ڤێ كەمپینێ كر.
پاش چەند چالاكیێن هۆنەری ب هۆزان و سترانان ژلایێ قوتابیێن بەشدارڤە هاتنە پێشكێشكرن.
ل داوییا ئاهەنگێ باوەرنامێن رێزلێنانێ ل سەر قوتابیان و سمینار بێژان یێن بەشداری دڤێ كەمپینێ دا كرین هاتنە بەلاڤكرن و ب ئەنجامەكێ سەركەفتی كەمپینە ب داوی هات و قوتابیان دلخۆشیا خۆ دیاركر.
هەروەسا هەر ب ڤێ هەلكەفتێ گەریانەك بۆ قوتابیان ل هندەك جهێن گوزاری ل پارێزگەها دهۆكێ هاتە رێكخستن.
كەمپینا لالش یا رەوشەنبیری بۆ نێزیكی 120قوتابیێن شنگالێ ل ناوچەدارییا زاویتە هاتبوو ڤەكرن و بۆ ماوێ هەفتیەكێ یا بەردەوام بوو.
تُتاح هذه الصورة أيضا في: کوردی