رزگاربوویەكا ئێزدی:كەسێن كرین وفرۆتن ب كچێن ئێزدییا دكرن ئەرەبێن دەڤەرا شنگالێ بوون
تۆرا لالش یا راگەهاندنێ
رزگاربووویەكا كوردا ئێزدی بۆ رۆژناما دەنگێ لالش راگەهاند،رێكخراوا تیرۆرستییا داعش خرابترین تاوان د دەرهەقێ كچێن ئێزدییا یێن گرتی دە ئەنجامداینە و ئەو كەسێن كڕین وفرۆتن ب كچێن مە دكر،پترییا وان ئەرەبێن دەڤەرێ بوون و وان رۆلەكی مەزن هەبوو د شكەستنا شنگال دە.
ڤێ رزگاربوویێ كو خەلكا كۆمەلگەها تلقەسەبە نەڤیا ناڤێ وێ بێتە ئاشكەراكرن گۆت:”دەمێ داعشێ هێرش كریە سەر شنگالێ ل رۆژا 3/8/2014 هاتمە گرتن و تیرۆرستێن داعش خرابترین تاوان د دەرهەقێ كچێن ئێزدییا یێن گرتی دە ئەنجامدان و من ددیت كا چاوا كچێن ئێزدییا ئەشكەنجە ددان تا وێ رادێ هندەك دكوشتن وتلیێن كچەكە ژگوندێ كۆچۆ ژێڤەكرن،ژبەركو وان كچا دەلیڤە نەددایێ دەست درێژییا جەستەیی دگەل بكن و ئەو كەسێن كڕین وفرۆتن ب كچێن ئێزدییا دكر پتریا وان ئەرەبێن دەڤەرێ بوون و وان رۆلەكی مەزن هەبوو د شكەستنا شنگال دە”.
ئەو چەندە ژی ئاشكەراكر :”پتر ژسێ هەزار كچ و زارۆكێن ئێزدی نهۆ ددەستێ داعشێ دانە،ژ جهێن پەیوەندیدار دخوازم لەزێ دقوورتالكرنا وان دە بكن”.
تُتاح هذه الصورة أيضا في: کوردی