خۆلەكا شەش هەیڤی بۆ زارۆكێن ئاوارە ل كۆمەلگەها مەهەتێ هاتە ڤەكرن
تۆرا لالش یا راگەهاندنێ
هەردوو دوو رێكخراوێن جیهانی (Acted)و (Ocha) ب هاریكاری و پشتەڤانیا نڤیسینگەها لالش مەهەتێ،ئیرۆ 9/10/2016ێ،خۆلەكا شەش هەیڤی بۆ 50زارۆكێن ئاوارە ل هۆلا لالش مەهەتێ ڤەكرن.
ب ئامادەبوونا بەرپرسێ نڤیسینگەها لالش مەهەتێ وكادر و نوونەرێن هەر دوو رێكخراوان،ئەڤ خۆلە هاتە ڤەكرن.
ل دەستپێكێ”مەهی حەسەن”بەرپرسێ نڤیسینگەهێ پەیڤەك خووند وتێدا جەژنا جەمایێ ل تەڤایا ئێزدیخانێ پیرۆز كر و ژخودێ مەزن خواست ئەڤ جەژن بتە دەرگەهەكێ خێرێ بۆ مللەتێ مە و جارەك دی ڤەگەرێن سەر مال وملكێن خۆ و ئەو كچ و خوشكێن مە ژ دەستێن داعش رزگاربن وبگەهنە ناڤ كەس وكارێن خۆ و داوی سالا دەربەدەریێ و كۆچبەریێ بت.
ل پێرە “سەردار” كادرێ رێكخراوێ بناڤێ ڤان هەر دوو رێكخراوا كورتیەك ژ بەرنامێ خۆلێ دا خویاكرن كو بەرنامە دێ بۆ خوشیا زارۆكا و فێربوونا چەندین كارێن هۆنەری بت و ئەو زارۆكێن نەخۆش وپێتڤی ب هاریكاریێ دێ ل دووڤ نەخۆشیا وی چارەسەركەن ل پێ شیانێن خۆ،هەروەسا سوپاسیا بەرپرس و ئەندامێن نڤیسینگەهێ كر،ژبۆ ڤێ هاریكاری و پشتەڤانیا وان.
بۆ زانین بەرنامە ل هەموو رۆژێن چارشەمبوویا دێ ئێتە ئەنجامدان.
تُتاح هذه الصورة أيضا في: کوردی