ئێزدی نامەكا داخوازیان ئاراستەی وەلاتێن جیهانێ دكن
باسنيۆز:
قائێمقامی قەزا شنگال دیاركر نامەكا داخوازیێن خەلكێ شنگال هاتە بلندكرن بۆ هەموو قونسل وبالیوزیێن وەلاتێن جیهانێ یێن ل هەرێما كوردستانی وعێراقی، د نامێ دا ئێزدیێن شنگال داخوازكرینە پەكەكە شنگال چوول بكەت و دەست ب ئاڤادانیا شنگال بهێتە كرن.
ئەڤرۆ 26/10/2016 مەحما خەلیل، قائێمقامی قەزا شنگال بۆ (باسنیوز) دیاركر خەلكێ شنگال داخوازكرینە ریێا بەعاج بهێتە كونترول كرن بۆ وی چەندی تیرۆرستێن داعش كچ وژن و زارۆیێن رەڤاندنێ بەرەڤ وەلاتی سوریا باژێری رەقە نە بەن، پێشمەرگەی كوردستانی و سوپایی عێراقی و هێزیێن هەڤپەیمانان رەڤاندیان رزگاربكەن، هەتا نوكە چەندین گۆند و دەڤەر ل دەشتا مووسلێ یێن هاتێنە رزگاركرن هیشتا چوو رەڤاندنی نەهاتیە رزگاركرن ژ وان دەڤەرێن هاتینە كونترولكرن هەموو هەولدان بهێنە كرن بۆ رزگاركرنا رەڤاندیێن ئێزدی.
گۆتژی:” خەلكێ شنگال داخوازكرینە ب رژتر كار ل سەر دوسیەیا جینوسایدی بهێتە كرن هەموو دەولەت پشتەڤان بن بۆ جینوساید ناساندنا كارەساتا شنگال و گۆرین ب كۆم ل دەڤەرێن رزگاركری بهێنە پاراستن و ڤەكرن بۆ وی چەندی ببنە دیكومینت و دەست ب ئاڤەدانیا شنگال بهێتە كرن چونكو پشتی مووسل رزگاردبیت هەكە پەكەكە ئاشتەنگ دروست نەكەت دێ خەلكێ شنگال ڤەگەرینە سەر مالێن خوە”.
مەحما خەلیل خۆیا ژی كر داخوازیان ژ هەموو مەزنتر یا ئێزدیێن شنگالێ ئەوە دایك وخوشكێن مە بهێنە رزگاركرن هەتا نوكە پتر ژ سیی هزار كەسان ماینە دەستێن رێكخراوا تیرۆرستێ داعشێ دا.
تُتاح هذه الصورة أيضا في: کوردی