مەزارگەهێ شەخسێ باتێ ل كۆمەلگەها بابیرێ هاتە ئاڤاكرن ڤە
تۆرا لالش یا راگەهاندنێ
تیرۆرستێن داعش دەمێ دەست ب سەر كۆمەلگەها بابیرێ داگرتی مەزارگەهێ شەخسێ باتێ هەرفاندن و خرابكرن،پشتی هێزێن پێشمەرگەی كۆمەلگەه رزگاركری،جارەكا دی دەست ب ئاڤاكرنا ئاڤاهیێ مەزارگەهی ژلایێ بنەمالا شێخا ڤە هاتیە كرن و 55%هاتیە تەمامكرن و كار ل سەر بەردەوامە.
“فاروق شێخ فەخری بابیری”ژبنەمالا شێخا ل كۆمەلگەهێ بۆ دەنگێ لالش خویاكر:”پشتی تیرۆرستێن داعش مەزارگەهێ شەخسێ خرابكرین،بنەمالا شێخا و ب پێكۆلێن خێرخوازێن ئێزدی رابوون ب ئاڤادانكرنا ئاڤاهیێ مەزارگەهی و نۆكە ب رێژا 55%هاتیە تەمامكرن و كار ل سەر ئاڤاكرنا وی بەردەوامە،ئەڤە نامەیەكە بۆ تیرۆرستان كو ئێزدی ل سەر گێرانا رێورسمێن خۆ یێن ئاینی دێ دبەردەوامبن و ئەرد و وەلاتێ خۆ بۆ كەسێ ناهێلن و دەست خۆشیێ ل سەرۆك بارزانی و هێزێن پێشمەرگەیێ قارەمان دكەین بۆ رزگاركرنا دەڤەرێن مە ژ دەستێ داعشێ و ب سایا پێشمەرگەی ب ئارامی دژین”.
بابیری دووپاتكر:”مەزارگەه ژ هەفت قوبان پێك دئێت و و هەر سال خەلكێ كۆمەلگەهێ و دەڤەرێن دی یێن ئێزدیان،رێورسمێن توافا شەخسێ باتێ دگێرن”.
تُتاح هذه الصورة أيضا في: کوردی