نڤیسینگەها لالش ل دهۆكێ سمینارەك ل دۆر هەڤژینیا پێشوەخت ئەنجام دا
تۆرا لالش یا راگەهاندنێ
ل رێككەفتی 25/11/2016ێ،ب پشكدارییا كۆمەكا چالاكڤانان ژ هەر دوو رەگەزان و قوتابیان ل قۆناغێن جودایێن خووندنێ،نڤیسینگەها لالش ل دهۆكێ سمینارەك ل دۆر هەڤژینیا پێشوەخت و كاریگەریا وێ ل سەر جڤاكی،ل ئاڤاهیێ دەستەیا بلندا بنگەهێ لالش ئەنجام دا.
سمینار ژ لایێ د.”ئەدهەم ئبراهیم”مامۆستایێ زانكۆیا دهۆكێ كولیژا پەروەردە و بنیات و د.”ئاری عارف”مامۆستایێ زانكۆیا دهۆكێ كولیژا یاسایێ ڤە هاتە پێشكێشكرن.
دسمینارێ دە د.”ئەدهەم”ئەگەرێن هەڤژینیا پێش وەخت و كاریگەریا وێ ل سەر دەروونێ سنێلەی رۆنكرن،زێدەباری ئاریشێن جەستەیی یێن كارتێكرن خۆ هەین ل سەر دەروونێ كچێ و ب تایبەت خێزانێن هەژار یێن ل ژێدەرەكێ داهاتەكێ دەستنیشانكری یێ ب زەحمەت بۆ دابینكرنا مەعیشەتەكا باش بۆ زارۆكێن وان ل پاشەرۆژێ دە.
ژلایێ خۆڤە د.”ئاری”بەحسێ مەسەلێن یاسایی سەبارەت هەڤژینیا پێشوەخت كرن،كو گرێبەستا هەڤژینیێ ل ڤان حالاتان دەرناكەڤت،ل دەمێ چێبوونا هەر ئاریشەكێ كچ و خێزانا وێ بەرپرسیارەتیێ ب ئستۆیێ خۆ ڤە دگرت.
ل داویێ بابەتێ پێشنیاركری هاتە گەنگەشەكرن و ئامادەبوویان چەندین پرسیار ئاراستەی سمینار بێژان كرن.
تُتاح هذه الصورة أيضا في: کوردی