ئەمریکا: نابیت پەکەکێ چو رۆل ل شنگالێ ھەبیت
waar – دهوك :
پەیڤدارێ وەزارەتا دەرڤە یا ئەمریکا ل دۆر ھەبوونا پەکەکێ ل شنگالێ راگەھاند؛ پەکەکە ژ ئالییێی ئەمریکا ڤە وەکو رێکخستنەکا تیرۆرستی دھێتە نیاسین، نابیت چو رۆل ل شنگالێ ھەبیت، ھەبوونا وان ژی ل وێ دەڤەرێ مەزنترین ئاستەنگە ل ھمبەری رێککەفتن و سازانێ.
مارک تۆنەر د پرێس کونفرانسەکی دا بەحسا داوی پێشھاتێن ئیراقێ و سووریێ کر و راگەھاند؛ پێدڤییە ھەموو گرۆپێن چالاک ل شنگالێ رێزێ ل پرۆسەیا سازانێ بگرن، بۆ ڤەگەراندنا خەلکێ وێ دەڤەرێ بۆ سەر مالێن وان، ئاشکرا ژی کر؛ ھاندانا ھەردو حکومەتێن ھەولێرێ و بەغدا دکەن، د وی واری دا ھەڤکارییا ھەڤدو بکەن.
تۆنەر راگەھاند ژی؛ ب ھزرا وان حکومەتا ئیراقێ ژی ھەمان دلگرانی ل سەر کێشەیێن ژبەر ھەبوونا پەکەکێ ل شنگالێ چێدبن، ھەیە.
پارتییا کارکەرێن کوردستانێ پەکەکێ ھێرشا داعشێ ل رۆژا سێیێ تەباخا سالا دو ھزار و چاردێ بۆ سەر شنگالێ، وەکو بەھانەیەک بکارئینایە و تا نها ل شنگالێ جێگیر بوویە.
تُتاح هذه الصورة أيضا في: کوردی