جڤاتا شنگالێ:دڤێت دەستهەلاتێن یاسایی ل سەر بارودۆخێ ئەمنی دزالبن
تۆرا لالش یا راگەهاندنێ
سەرۆكێ جڤاتا قەزا شنگالێ دیاركر:”دگەل وێ چەندێ نە هەر پرۆژەكێ خزمەتكاری ل سنوونێ بێتە بجهئینان،بەلێ بۆ سەنتەرێ قەزایێ بەری پرۆژا مە دڤێت گرتی و جیێت دی یێت ددەستێ داعش دە بێنە ئازادكرن وداعش ژ دەڤەرێن مە دووربت،هەروەسا دەستهەلاتێن یاسایی ل سەر بارودۆخێ ئەمنی دزالبن وناكۆكیێن سیاسی ژناڤ ببەن”.
وەیس نایف،بۆ رۆژناما دەنگێ لالش گۆت:”ل دۆر بجهئینانا پرۆژێن ستراتیژی ل شنگال ،دەربارەی ناوچەدارییا سنوونێ دگەل وێ چەندێ نە هەر پرۆژەكێ خزمەتكاری ژهەر لایەنەكی بت بێتە بجهئینان بۆ خزمەتا سنوونێ وڤەگەریانا خەلكێ وێ بۆ سەر گوند وكۆمەلگەهێن خۆ،لێ ل سەنتەرێ قەزایێ مە دڤێت گرتی و جیێت دی یێت ددەستێ داعش دە بێنە ئازادكرن وداعش ژ دەڤەرێن مە دووربت،هەروەسا دەستهەلاتێن یاسایی ل سەر بارودۆخێ ئەمنی دزالبن وناكۆكیێن سیاسی ژناڤ ببەن و ئەو سەرپێچیێن ل قەزایێ پەیدابووین كو كارتێكرن ل گیان و سەروەت وسامانێ خەلكێ بێ گونەه ژلایێ كەسێن نەیاسایی دكت نەهێلن،ژبلی نەهێلانا گەهاندنا حالەتێن مرۆڤایەتی بۆ خێزانێن ل شنگال وەكی ئاهێن خوارنێ وسۆتەمەنی و ئاڤا ڤەخوارنێ وزێدەباری پێتڤیێن دی یێن گرنگ”.
پشتی قەزا شنگالێ ل سەر دەستێ هێزێن پێشمەرگەیێ كوردستانێ هاتیە رزگاركرن،ڤەگەریانا خەلكێ ئاوارە بۆ سەر مال و ملكێ خۆ بەردەوامە.
تُتاح هذه الصورة أيضا في: کوردی