گرۆپەكێ خۆبەخش گۆرستانا كۆمەلگەها بابیرێ نووژەنكر
تۆرا لالش یا راگەهاندنێ
گۆرستانا كۆمەلگەها بابیرێ،ژ ئالیێ گرۆپەكێ خۆبەخش یێن گەنجان ڤە هاتە نووژەكرن.
رەبیح ئەسوەد، ئێك ژ ئەندامێن گرۆپێ خۆبەخش بۆ رۆژناما دەنگێ لالش گۆت:”هەموو تەخ و چینێن كۆمەلگەهێ د ئامادەكرنا كەرەستەیێن پێتڤی دبنێ بەرهەڤ دكن لگۆر پێچێبوونێن خۆ وەك كرینا بلۆكا و چیمەنتویێ …هتد ،ودگەل ئینانا ڤراڤینێ بۆ كرێكاران و گرۆپێ مە ژ دەه گەنجێن بابیرێ پێك دئێت و رۆژانە گەنجێن دەڤەرێ پەیوەندیێ ب مەدكن و بۆ هەیاما سێ رۆژان رابووین ب نووژەنكرنا گۆرستانا كۆمەلگەهێ”.
ئەو چەندە ژی دیاركر:”ژ دەرڤەی وەلاتی ژی هاریكاریێن دراڤی گەهشتینە مە،داخوازێ ژ خەلكێ خۆ دكەین ژئالیێ مەعنەوی ڤە پشتەڤانبن و دێ ب شێوەیێن جودا بەردەوام بین ل سەر كارێ خۆ یێ خۆبەخشیێ”.
تُتاح هذه الصورة أيضا في: کوردی