كچەكا ئێزدی ژ دەستێ داعشێ هاتە رزگاركرن
باسنيوز:
رێڤەبەرێ نڤێسینگەها رزگاركرنا رەڤاندیێن ئێزدی، دیاركر “ئەڤرۆ 12/4/2017 كچەكا ئێزدی ژ دەستێن تیرۆرستێن داعش ل باژێرێ مووسل هاتە رزگاركرن وگەهشتە پارێزگەها دهۆكێ”.
حسێن قائێدی، رێڤەبەرێ نڤێسینگەها رزگاركرنا رەڤاندیێن ئێزدی، بۆ (باسنیوز) دیاركر “ب هەڤكاریا پێشمەرگەهێ كوردستانێ و دەزگەهێن ئەمنی ل دهۆكێ ب پشتەڤانیا نڤیسینگەها سەرۆكێ حكومەتا هەرێما كوردستانێ ئەڤرۆكە كچەكا 17 سالی خەلكا گۆندێ حەردان ل قەزا شنگال ژ دەستێن تیرۆرستان هاتە رزگاركرن. ئەو ل كارەساتا شنگال 3/8/2014 هاتبوو رەڤاندن ژلایێ تیرۆرستان ڤە دگەل هزارەها كچ و ژن و زارۆكێن دی یێن ئێزدی”.
خۆیا ژی كر: “د ڤان چار رۆژێن بۆریدا 13 كچ و ژن وزارۆكێن ئێزدی ژدەستێن تیرۆرستان هاتنە رزگاركرن. هەتا نۆكە هەژمارا رزگاربویێن ئێزدی گەهشتە پتر ژ 2950 كەسان”.
تُتاح هذه الصورة أيضا في: کوردی