كوردێن ئێزدی دخوازن پەكەكە شنگالێ چۆل بكت
دەنگێ لالش،هۆگر نەجیب
ل سەر روودانا بوردۆمانكرنا بارەگایێن هێزێن پەكەكێ ل چیایێ شنگالێ ژلایێ توركیا ڤە،كو ل سەر ئاستێ ناڤخۆیی و نێڤ دەولەتی كارڤەدانێن جودا جودا یێن نەرازیبوونێ لپەی پەیدابوون ژبەركو ب هەزاران ئاوارێن ئێزدی ل چیایی دا ئاكنجی نە،كوردێن ئێزدی دخوازن ئیرۆ دڤی بارودۆخی دا ئێك هەلویست و دەنگ بن و داخوازێ ژ پەكەكێ بكن شنگالێ چۆل بكت.
رۆژنامەڤان (غەزوان غازی)دیاركر،ئارمانجا توركیا ژ بۆمبەبارانكرنا پێشمەرگەی ل شنگالێ ژناڤبرنا وێ ئازادیا تا رادەیەكی لێ بەرقراربووی،هەولا دا ب هێجەتا پەكەكێ ژناڤ ببەت ویا فەرە پەكەكە شنگالێ چوول بكت،پێكنەكرنا پارتێن كوردی ل شنگالێ ئەگەرەكە دی بوو دوژمن دەرفەت ببینت ئالۆزیان پتر لێ بكت و مفایی ژوان ناكۆكیان وەرگرت،لەورا هیڤیدكم ژ پارتان د پرسێن نەتەوەی دا یەكبن خۆ هەگەر مەودایێ وان چەند ژێك دوور بن ب بۆچوونا من پارتێن كوردی نكارن رێ لڤان روودانان بگرن،ژبەركو نەدەستەكن و هەردەما بوونە دەستەك دكارن رێ بگرن،قوربانێن سەرەكی د ڤان روودانان بێ گۆمان سڤیلن دگەل پێشمەرگەهێ قارەمان ،ژبەركو ڤێ روودانێ ل شنگال روودایە قوربانێن سەرەكی كوردێن ئێزدینە تایبەت یێن ئاوارە و ئیرۆ قەدەرا ئێزدیان دەڤەرێن مە پشكەكن ژ گۆرەپانا سەربازی و رامیاری،حكومەتا عێراقێ ژی دكارت ل جیهانێ داخواز بكت سەروەریا وێ نەئێتە بن پێ كرن تایبەت دگەل توركیا،دڤێ رەوشێ دا پێتڤیە هەموو تەخ و چینێن جڤاكێ كوردێن ئێزدی یەك بۆچۆن و هەلویست بن و هەر ئێزدیەكی دەست هەی د كاروبارێن ئێزدیان جیهانێ د بەرژەوەندیا ئێزدیان تێبگەهینت كا چ چی بتە و بۆچی روودا و ئارمانج ژێ چنە و داخواز بكن پەكەكە شنگال چوول بكن،داكو درب ل ئێزدیان و دەستكەفتێن كوردستانێ نەكەڤن.
پارێزەر (سالار فائز)گۆت:ب دیتنا من نە عێراقێ و نەژی كوردستانێ ب تایبەتی ئەو هێز هەیە بوردۆمانێن توركیا یا داگیركەر ب سەكنینن،ژبەركو هەتا نۆكە وان نكاریە ئەردێ خۆ ڤالا بكن ژ هێزین وەلاتێن جیهانێ و جینار وەك توركیا و ئیران یان ژ هێزین دەرڤەی یاسایی وەك یەپەژە كو ژێدەری وێ پەكەكەیە ،پێتڤیە كوردستانێ و عیراقێ ئێك دەنگ هەبت و داخوازێ ژ رێكخراوێن نێڤ دەولەتی و وەلاتێ زلهێز تایبەت وەكی ئەمریكا و روسیا بكن داكو روودانا بوردۆمانكرنا چیایێ شنگالێ دووبارە نەبت،ئارمانج ژ جانگۆریكرنا كوردان ب گشتی وەك پێشمەرگە و یەپەژە ژلایێ توركیا ڤە ل شنگال ئەو بوو فشارەك، ژبۆ نەمان یان ڤەقەتاندنا پەكەكێ ل شنگال و جانگوریكرنا ئێزدیێن سڤیل،بەری مێرنشین یان میرگەه كوردا هەبن ئێك رێز نەبوون تا سەفەویا و ئوسمانیا دەرفەت زانی ناكۆكیێن كوردان بخۆ بكەنە دەستكەفت ئەوژی كوردستان كرنە پارچەك ژ دەولەتا خۆ و نۆكە ژی ل شوونا مێرنشین یان میرگەه بووینە پارت و ئەگەر ئێك بن بێ گۆمان دێ جوداهیەكا زۆر هەبت ژبارێ نۆكە ئەم تێدا و وەلاتێن جیهانێ ژی دێ پتر رێزێ ل كوردان گرن،بەرێز مەسعود بارزانی كەسایەتیەكێ رامیاری بلندە ل تەڤایا جیهانێ دكارت چارە بكت بوویەران ب هەڤكاری دگەل رێكخراوێن نێڤ دەولەتی و وەلاتێن جیهانێ،قوربانێن سەرەكی د ڤان بوویەران دا ل شنگالێ ئێزدی نە،ژبەركو كۆمكوژی یا لێ هاتیەكرن ل (3-8-2014)ژلایێ تاری پەرێسان(داعش)،پێتڤیە هەموو ئێزدی ببنە ئێك دەست خودان هەلویست بن ب رۆحیەتەكا ئێزدی و مرۆڤایەتی و كوردی و ئاشتی،داكو بكارن پەیاما دروست بگەهیننە حەموو جیهانێ.
رەوشەنبیر(جەمال كودی) دبێژت:داكو كەس هێرشی شنگال نەكت و پتر ژنۆكە ئارام بت دڤێت بتە پارێزگەه و شنگالی بخۆ ریڤەببەن ب تایبەتی ژلایێ ئەمنی ڤە،ژبۆ كو هێزێن ژێدەرێن وان پەكەكە و هندەك هێزین دی لێ هەنە،لەورا توركیا چیایێ شنگال بوردۆمانكر و ژلایەكێ دنڤە توركیا پارێزگەها مووسل بخۆ دهەژمێرت لەورا ئەو چاڤەرێ دەلیڤەیەكێ نە ب هەر رێیەكێ هێزین خۆ بینتە دناڤ مووسلێ دا، ئەگەر حكومەتا عێراقێ پێكۆلا بكت تا رادەیەكی رۆل هەبت ژ سەكناندن یان روونەدانا ڤان روودانان ونەبوونا باوەریێ و ناكۆكیان دناڤبەرا پارتێن كوردی شنگال بوویە ئەگەر دوژمن دەلیڤە ببینت ب هێجەتا پەكەكێ شنگالێ ئالۆز نەكت ژلایێ ئەمنی ڤە،دیسان هەتا ئەو هێزنە ل دەڤەرێ نە بزەحمەت پارتێن كوردی ل باشوور كارڤەدانێ بكن، قوربانیێن سەرەكی ئێزدی بوون وخەلكێ شنگالێ چنكو پتریا ئاكنجیێن وێ ئێزدی نە وپێتڤیە ئێزدی ئیرۆ ل كوردستانێ وژدەرڤەی كوردستانێ خۆ بكەنە ئێك هەلویست وئێك دەنگ،دا بكارن داخوازا مافێ خۆ بكن ب تایبەتی دڤی بارودۆخێ نۆكە دا وهەر ئێك ژلایێ خۆڤە كاربكت كو ئەڤ رەوشا ئێزدی تێدا بەرەف باشتر بچت.
تُتاح هذه الصورة أيضا في: کوردی