“سەرنڤیسەرێ رۆژناما ئەلتاخی سەرەدانا دەستەیا بلندا بنگەهێ لالش كر”
تۆرا لالش یا راگەهاندنێ
دوهی رۆژا ئێك شەمبوویێ 2تەمووزا 2017ێ،سەرنڤیسەرێ رۆژناما ئەلتاخی ل بەغدایێ،سەرەدانا دەستەیا بلندا بنگەهێ لالش ل دهۆكێ كر.
ئەحمەد ناسر ئەلفەیلی،سەرنڤیسەرێ رۆژناما ئەلتاخی ژبال سەرنڤیسەرێ رۆژناما دەنگێ لالش(شەمۆ قاسم)ڤە هاتە پێشوازیكرن.
دهەڤدیتنێ دا،بەحسێ خورتكرنا پەیوەندییان دناڤبەرا هەردوو رۆژنامەیان دا هاتە كرن،پاش”شەمۆقاسم”سەرنڤیسەرێ رۆژناما دەنگێ لالش رۆلێ بنگەهێ لالش دخزمەتا كەلتۆرێ كوردی و ئایینێ ئێزدیان دا بۆ مێڤانی دا دیاركرن.
ژبال خۆڤە ئەلفەیلی پەرتۆكەك ل دۆر ئێزدیان كرە دیاری بۆ بنگەهی كو ژ دەرێخستنا وی یە،هەروەسا چەند وەشانێن بنگەهێ لالش ژی وەك دیاری پێشكێشی وی هاتن كرن.
ل داوییا سەرەدانێ سەرنڤیسەرێ رۆژناما ئەلتاخی دناڤ ئاڤاهیێ بنگەهی دا گەریا و گەلەك كەیف خۆشبوو بڤێ سەرەدانێ و داخوازا سەركەفتنێ بۆ بنگەهی كر.
تُتاح هذه الصورة أيضا في: کوردی