ههيڤا بۆرى44 وهلاتيێن کوردێن ئێزدی هاتينه رزگاركرن
باسنيوز:
لە ماوەی مانگی تەمووزدا 44 هاووڵاتیی کوردی ئێزدی لەدەستی تیرۆریستانی داعش ڕزگار كراون و حكوومەتی هەرێمیش بەردەوامە لە دۆزینەوەی کەسانی دیكە و گێڕانەوەیان بۆ ناو ماڵباتیان.
بەڕێوەبەرایەتیی كاروباری ئێزدییەكان لە وەزارەتی ئەوقاف و كاروباری ئایینی حکوومەتی هەرێمی كوردستان ئاماری قوربانیان ڕفێندراوان و ڕزگاركراوەكانی ئێزدی لەسەردەستی تیرۆریستانی داعشی لە مانگی ڕابردوودا بڵاو كردە و بەپێی ئامارەكە تەنیا لە مانگی حەوتی ئەمساڵدا (44) هاووڵاتیی کوردی ئێزدی لە دەستی داعش ڕزگار كراون.
بەپێی ئەو ئامارەی كە بڵاو كراوەتەوە و وێنەیەكی بۆ (باسنیوز) نێردراوە، بە بەراوردكردنی لەگەڵ ئاماری مانگی شەشدا دەركەوتووە كە لە مانگی 8ی ساڵی 2014 دوای داگیركردنی شنگال لەلایەن تیرۆریستانی داعشدا تا مانگی شەشی ئەمساڵ سێ هەزار و 48 دیلی ئێزیدی لە دەستی داعش ڕزگار كراون و لە مانگی حەوتدا ئاماری ڕزگاركراون بۆ سێ هەزار و 92 ڕزگاركراو بەرز بووەتەوە.
هەر لە ئامارەكەدا هاتووەدا كە ئافرەتە ڕزگاركراوەكانی ئێزدی تا مانگی شەشی ئەمساڵ هەزار و 92 ئافرەت ڕزگار كراون و لە مانگی حەوتدا بۆ هەزار و 102 ئافرەتی ڕزگاركراو بەرز بووەتەوە.
هەر لە ئامارەكەدا هاتووە كە تا ئێستا 3 هەزار و 325 ڕفێندراوی ئێزدی لەدەست داعشدا ماون.
مانگی هەشتی ساڵی 2014 سوپای عیراق و سیاسەتی هەڵەی نووری مالیكی سەرۆكوەزیرانی ئەوكاتەی عێراق هێلەكانی بەرگرییان بەرامبەر تیرۆریستان چۆڵ كرد و بەو هۆیەوە مووسڵ و قەزای شنگال كەوتنە دەست داعش و بەو هۆیەوە هەزاران كوردی ئێزدی بوونە قوربانی و هەمووشیان ڕوویان لە هەرێمی كوردستان كرد.
تُتاح هذه الصورة أيضا في: کوردی