دجینۆسایدا ئێزدیان ل شنگالێ پتری شەش هەزار كەسێن ئێزدی هاتنە گرتن
تۆرا لالش یا راگەهاندنێ
رێڤەبەرێ نڤیسینگەها رزگاركرنا رەڤاندیێن ئێزدی ل پارێزگەها دهۆكێ ئاشكەراكر، دجینۆسایدا ئێزدیان ل شنگالێ (6417)كەسێن ئێزدی هاتنە گرتن،هەتا نهۆ ژوان سێ هەزار و 92گرتی هاتینە رزگاركرن.
(حسێن كورۆ) د داخویانیەكێ دا بۆ رۆژناما دەنگێ لالش گۆت:كەسێن ئێزدی یێن دكارەساتا شنگالێ دا ژلایێ رێكخراوا تیرۆرستیا داعشێ ڤە هاتینە گرتن (6417)كەسن و ژوان( 3547) رەگەز مێ و( 2870)نێرن،هەروەسا ب پشتەڤانیا سەرۆكێ حكومەتا هەرێما كوردستانێ هەتا نهۆ( 3092)گرتی ژ هەردوو رەگەزان ژلایێ نڤیسینگەهێ ڤە هاتینە رزگاركرن.
هەروەسا ئاشكەراكر ژی ژمارا گرتیێن ئێزدی یێن ماین د دەست داعش دا( 3325) و ژوان (1597)مێنە و( 1728)نێرن،دووپات دكەین ژی كو لسەر كارێ خۆ بەردەوامین هەتا ئێك گرتی مایە رزگاربكەین.
تُتاح هذه الصورة أيضا في: کوردی