لژێر چاڤدێریا بەرێز”شێخ شامۆ” شانۆگەرییەك ل كۆمەلگەها شاریا هاتە نمایشكرن
تۆرا لالش یا راگەهاندنێ/شاریا
لژێر چاڤدێریا بەرێز”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش،بیرەوەریا كارەساتا شنگالێ ب گێرانا شانۆگەرییەكێ ل كۆمەلگەها شاریا هاتە ساخكرن.
ئێڤاریا 6تەباخا 2017ێ،ژبۆ بیرئینانا كارەساتا رەشا شنگالێ،بنگەهێ لالش تایێ شاریا ب هەڤكاری دگەل گرۆپێ ( نو رۆژ ) و لژێر چاڤدێریا بەرێز”شێخ شامۆ”،بیرەوەریا كارەساتا شنگالێ ب گێرانا شانۆگەرییەكێ لژێر ناڤێ( شەهید نامرن) ل گۆرەپانا تەپا پێ ل كومەلگەها شاریا ساخكر،ب ئامادەبوونا ژمارەكا بەرپرسێن دام و دەزگەهێن حكومی و حزبی و جەماوەرەكێ زۆر ژ خەلكێ كۆمەلگەهێ و كەمپا شاریا.
د شانۆگەریا(شەهید نامرن) دا، دەربرین ژ رۆلێ پێشمەرگەی و شەهیدا و شەرێ دژی تیرۆرێ و بەرەڤانیكرن ژ ئاخا وەلاتی هاتە كرن،كو 27ئەكتەرێن كۆمەلگەهێ تێدا پشكداربوون و ژ ئامادەكرن ودەرهێنانا(سفیان سلۆ هەوێری)بوو.
پاش گرۆپێ شانۆگەریێ ژبال”شێخ شامۆ”ڤە هاتە خەلاتكرن و كورتە پەیڤەك پێشكێشكر و گۆت:رۆلێ هۆنەری بۆ گەهاندنا پەیاما هەر مللەتەكی گرنگ و پێویستە ،هەروەسا تەكەزكر كو پێتڤیە هەر تەخەكا كۆمەلگەهێ دبوارێ پسپۆریا خۆدا پەیاما خۆ بگەهینن و ب هەڤرا كار بكن بۆ رۆژا ریفراندۆما هەرێمێ و سەربەخۆبوونا كوردستانێ.
تُتاح هذه الصورة أيضا في: کوردی