لژێر چاڤدێریا بەرێز”شێخ شامۆ” بیرەوەریا كارەساتا شنگالێ ب گێرانا شانۆگەریەكێ هاتە ساخكرن
تۆرا لالش یا راگەهاندنێ/خانكێ
لژێر چاڤدێریا بەرێز”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش، بیرەوەریا كارەساتا شنگالێ ل كۆمەلگەها خانكێ هاتە ساخكرن.
ئیرۆ رۆژا سێ شەمبوویێ تەباخا 2017ێ،ژبۆ بیرئینانا كارەساتا دلتەزین یا شنگالێ،بنگەهێ لالش تایێ خانكێ ب هەڤكاری دگەل گرۆپێ(نو رۆژ ) و لژێر چاڤدێریا بەرێز”شێخ شامۆ” لژێر چاڤدێریا بەرێز”شێخ شامۆ” ئەندامێ پەرلەمانێ كوردستانێ و سەرۆكێ دەستەیا بلندا بنگەهێ لالش، بیرەوەریا كارەساتا شنگالێ ب گێرانا شانۆگەریەكێ لژێر ناڤێ( شەهید نامرن) ل گۆرەپانا تەپا پێ ل كۆمەلگەها خانكێ هاتە ساخكرن،ب ئامادەبوونا ژمارەكا بەرپرسێن دام و دەزگەهێن حكومی و حزبی و جەماوەرەكێ زۆر ژ خەلكێ كۆمەلگەهێ و دەڤەرا شنگالێ.
ل بەراهیێ ماوەیەك رێزگرتن بۆ گیانێ پاكێ جانگۆریێن كورد و كوردستانێ و سەر كاروانێ وان بارزانیێ نەمر و ئەدریسێ هەردەم ساخ چەندەكێ سەكنین، پاشی پەیڤا ب خێر هاتنێ ژلایێ بەرێز”عەنتەر كەلۆ” بەرپرسێ بنگەهێ لالش تایێ خانكێ ڤە هاتە خووندن و دەست خۆشی ل گرۆپێ نورۆژ كر،تەكەز كر كو دڤێت ب هەڤرا كار بكن بۆ سەربەخۆبوونا كوردستانێ.
پاش دەست ب نمایشكرنا شانۆگەریا (شەهید نامرن )هاتە كرن،كو دەربرین ژ رۆلێ پێشمەرگەی و جانگۆریا و شەرێ دژی تیرۆرێ و بەرەڤانیكرن ژ ئاخا وەلاتی و تاوانێن داعش دژی كچێن ئێزدیان كر.
تُتاح هذه الصورة أيضا في: کوردی