کۆمکوژیێن گرعزێر و سیبا شێخدر و کۆچۆ ل شاریا هاتنە لبیرئانین
تۆرا لالش يا راگههاندنێ/شاريا
ئيرۆ14تهباخا 2017ێ، بنگەهێ لالش تایێ شاریا و تیپا گرعزێر و گرۆپێ دەنگێ خۆرتێن شنگال،بیرەوەریا ۱۰ سالیا کۆمکوژیا گرعزێر و سیبا شێخدر و بیرەوەریا ۳ سالیا کۆمکوژیا گوندێ کۆچۆ ب ئەنجام دانا چەندین چالاکیێن جۆراوجۆر ل هۆلا لالش ئێك ساخكرن، ب ئاما دەبوونا ژمارەکا زۆرا کەسایەتیێن سیاسی و کادرێن حزبی و رەوشەنبیر و مامۆستا و ئاوارێن شنگال و خەلکێ کۆمەلگەها شاریا.
پشتی خۆلهك سهكنين وهك رێزگرتن بۆ گیانێ پاکێ جانگۆريێن کوردستانێ و سەرکاروانێ وان بارزانیێ نەمر و کاک ئیدریسێ جانەمەرگ،رێورەسمێن بیرئانینێ دەستپێکرن.
ل دەستپێکێ پەیڤا بنەمالێن قوربانیێن کومکوژیا گرعزێر و سیبا شێخدر هاتە خووندن ژلایێ نوونەرێ وان بەرێز”سعید تتر”،پاشی پەیڤا بنەمالێن قوربانیێن کۆمکوژیا کۆچو هاته خووندن ژلایێ نونەرێ وان بەرێز “کچێ عمو”، ل دووڤ دا دوو کورتە فلم هاتنە نمایشکرن لسەر کۆمکوژیێن ناڤبری کو ژلایێ بەرێز “فارس مشکو” هاتبوونە ئاما دەکرن.
هەروەسا د برگەکە دیدا سترانەک لسەر شنگالێ هاتە گۆتن ژلایێ گرۆپێ قوتابیێن قوتابخانا (مجمع شاریا للنازحین) کو ژ پەیڤ و ئاوازێن مامۆستا حهیدهر ئهلشهوانی بوون.
ژلایەکێ دیڤە چەندین هۆزان هاتنە گۆتن ژلایێ هۆزانڤانێن دەڤەرا شنگالێ.
ل داویێ ژی چەندین شەمالک هاتنە هەلکرن،ژ بۆ بیرئانینا قوربانیێن هەردوو کۆمکوژیێن گرعزێر و سیبا شێخدر و گوندێ کۆچو.
تُتاح هذه الصورة أيضا في: کوردی