وەلات پارێزەكێ پارێزگەها دهۆكێ ستافێ كلیپا “ریفراندۆم” خەلات كر
تۆرا لالش یا راگەهاندنێ/دهۆك
درێورسمەكێ دا،ستافێ كلیپا ریفراندۆم ژلایێ وەلات پارێزەكێ پارێزگەها دهۆكێ ڤە ل ئاڤاهیێ بنگەهێ لالش ل دهۆكێ هاتە خەلات كرن.
ئیرۆ پێنج شەمبوویێ 21/9/2017ێ،ب ئامادەبوونا بەرێز”شێخ شامۆ”سەرۆكێ دەستەیا بلندا بنگەهێ لالش و كۆمەكا پەرلەمانتار و دكتۆر و ستافێ كلیپا ریفراندۆم یێ پێكهاتی ژ هۆنەرمەند و مۆزیك ژەن و دگەل دا تیپا شاریا هەروەسا ب حازربونا کۆمەکا ئەندامێن دەستەیا بلند و تایی و نڤیسینگەهێن لالش،بەرێز”د.بێوار نێروەیی”وەك كەسانەكێ كوردپەروەر و وەلات پارێزێ ب دیاریێن مادی رێز ل ستافێ كلیپێ گرت و دپەیڤەكێ دا دیاركر:”ژبەر بالكێشی و خۆشی و نازكی پیڤێن ڤی كارێ هۆنەری یێ جوان و پیرۆز بڤێ دەستپێشخەریێ رابوویە”.
هەروەسا بەرێز”شێخ شامۆ”پەیڤەك پێشكێشكر و گۆت:”سوپاسیا ڤی هەلویستێ جوامیرانە و نشتیمان پەروەرانە دكەین و دیاركر دهەموو قۆناغ و هەلكەفتان دا بنگەهێ لالش ل رێزا پێشیێ یە بۆ بەرەڤانیكرن ژ ماف و مەغدوری و دیاركرنا چارەنڤیسەكێ راست بۆ خەلك و مللەتێ مە”.
دیسان هەمبەر ڤێ پێنگاڤێ شێخی خەلاتەكێ رێزلێنانێ ب ئارمێ بنگەهێ لالش پێشكێشی دكتۆر بیوار نێروەیی كر و خواست نمونەیێن مینا وی وەلات پارێز هەر هەبن.
هەر دڤێ چالاكیێ دا بەرێز”یوسف نێروەیی” وەك پسمامێ خودانێ ڤێ دەست پێشخەریێ دپەیڤەكێ دا ئاماژە دا رۆل و باندۆرا ڤی كاری هۆنەری یێ نایاب ژبۆ ڤێ پرۆسێسا پیرۆز و دەست خۆشی ل بەرێز شێخ شامۆ کر ژبۆ هزر و پەیڤ و ڤەهاندنا ڤێ کلیپا دیرۆکی.
تُتاح هذه الصورة أيضا في: کوردی