نێزیكی500خێزانێن ئاوارە ل كۆمەلگەها خانكێ داخوازا هاریكاریان دكن
تۆرا لالش یا راگەهاندنێ
ل كۆمەلگەها خانكێ نێزیكی(500)خێزانێن ئاوارەیێن شنگالێ د كەمپەكا وەختی دا دژین،ئاوارە گازندا ژ كێمیا هاریكاریان دكن و داخوازا دابینكرنا هاریكاریێن زێدەتر و هەموو پێتڤیان دكن.
ئاوارە(عزەت ناسۆ)گۆت:رەوشا ئاوارەیێن كەمپێ گەلەك ب زەحمەتە،چنكو خزمەتكاری لێ دكێمن و نهۆ خیڤەتێن مە پێتڤی ب گوهارتنێ نە،ژبەر ئەڤە پتری سێ سالانە هندەك ژێ نەهاتینە گهۆرین و ئەو رزینە، داخوازێ ژ حكومەتا هەرێما كوردستانێ و عێراقێ دكەین پتر هاریكاریا وان بێتە كرن.
هەروەسا ئاوارە(تەحسین شەمۆ)دبێژت:ئەڤ كەمپە نێزیكی(500)خێزانێن ئاوارەیێن شنگالێ ب خۆڤە دگرت،دیسان گەلەك پێتڤی خزمەتكاریانە و رێكخراو كێم هاریكاریا وان دكن،دخوازن هەموو پێتڤی بۆ خەلكێ كەمپێ بێنە دابینكرن.
ژلایێ خۆڤە بەرپرسێ كەمپا وەختی یا ئاوارەیێن شنگالێ ل كۆمەلگەها خانكێ(شەهاب قاسم)ئاشكەراكر،كەمپا مە نە یا سەرەكی یە،لەوا كێم هاریكاری بۆدئێن،ئەڤجا داخوازا مە ژ لایەنێن شۆلەژێ ئەوە خزمەتكاریان پێشكێشی خەلكێ وێ بكن ژبەركو خەلك پتریا پێتڤیێن خۆ لسەر كیستێ خۆ دكرن،هەروەسا خیڤەت ل ڤێدەرێ نەهاتینە گهۆرین و هەموو كەڤن بووینە وپێتڤی گهۆرینێ نە،ئاماژەكر سەرەرای ڤان هەموو كێشان ئەم دێ هەموو هەولێن خۆ ئێخینە كار و ب شیانێن خۆ كاركەین،بۆ هندێ رەوشا خەلكێ مە باشتر و خزمەتا وان بكەین.
تُتاح هذه الصورة أيضا في: کوردی