رۆفاتێن 46 كوردێن ئێزدى هاتنه ديتن
ئەڤرۆ نيۆز:
ئەڤرۆ شه‌مبيێ رێکەفتی 2/12/2017 هێزێن عیراقی گۆره‌كێ ب كۆم یێ كوردێن ئێزدی ل باکووری قەزا شنگالێ دیت و ل گۆر به‌رپرسێن ده‌ڤه‌رێ، تيرۆرستێن داعشێ ئه‌و تاوانه كریه و ب ده‌هان رۆفات د وی گۆری دا هه‌نه.
ئه‌و گۆرێ ب كۆم یێ هاتیه دیتن، رۆفاتێن نێزیکی 46كه‌سان تێدانه كو پتریا ل رۆژا 3/8/2014ێ ژ لایێ تیرۆرستێن داعشێ ڤە هاتینە دەستەسەرکرین ل قەزا شنگالێ ل ده‌مێ داگیركرنا وێ ده‌ڤه‌رێ ژ ئالیێ داعشێ ڤه ئه‌و تاوان هاتیه ئه‌نجامدان و پاشى ل ده‌ڤه‌را قاپۆسی هاتینه بن ئاخكرن.
مه‌حما خه‌لیل قایمقامێ شنگالێ دیاركر، هه‌تا نها وه‌زاره‌تا ساخله‌میا عیراقێ چوو پێرابوون بو ڤه‌كرنا ئه‌وى گورى نه‌هنارتیه ده‌ڤه‌رێ.
مه‌حماى بۆ شه‌فه‌ق نیۆز زێده‌تر گۆت، ئه‌و كه‌سێن كو د گۆرێ ب كومێ ئه‌ڤرۆ دا هاتیه دیتن ژ هه‌موو ته‌مه‌نان وژ هه‌ردو ره‌گه‌زان ب خوه‌ڤه دگریت .
قایماقمێ شنگالێ دیاركر ژى كو ژ ده‌ستپێكا سالا 2014 هه‌تا نها زێده‌تر ژ دوو هزار كوردێن ئێزدى ژلایێ داعشێ هاتينه كوشتن و 200 هزار كه‌س ژى كوچبه‌ر بووینه و مه‌زنترین كاره‌ساتا مرۆڤى ب سه‌ر ئێزدیان هاتیه د دیرۆكێ دا.
هه‌تا نوكه 38 گۆرێن ب كۆم ل ده‌ڤه‌رێن جودا یێن قه‌زا شنگالێ هاتینه دیتن ژ ده‌مێ كۆنترۆلكرنا وی باژاری ژ ئالیێ پێشمه‌رگه‌ی ڤه ل سالا 2015ێ. گوره‌كێ ب كوم ل شنگال هاته دیتن
تُتاح هذه الصورة أيضا في: کوردی