قارەمانیەكا وەرزشی ل كەمپا مام رەشان ب داوی هات
تۆرا لالش یا راگەهاندنێ
ب پشكداریا هەشت تیمان،قارەمانیەكا تۆپكانێ ل كەمپا مام رەشان ب داوی هات،كو ژبال بنگەهێ لالش تایێ شنگال و نڤیسینگەهێن 14تەباخێ و تلبەنات و ب سەرپەرشتیا لقێ 17یێ پارتی دیموكراتی كوردستان هاتبوو رێكخستن.
ئیرۆ رۆژا سێ شەمبوویێ 20/2/2018،ب ئامادەبوونا نوونەرێ لقێ 17یێ پارتی دیموكراتی كوردستان و رێڤەبەرێ كەمپا مام رەشان و نوونەرێ بنگەهێ لالش تایێ شنگال و نوونەرێن فەرمانگەهێن ئەمنی ل كەمپێ و ژمارەكا مەزنا مامۆستایان و جەماوەرەكێ زۆر،یاریا داویێ یا قارەمانیا تۆپكانێ یا بچووككری دناڤبەرا تیمێن(كارگێریا كەمپێ ،بنەرەتا ئەرەبی)هاتە كرن پشتی گەهشتینە داویێ،كو تیما كارگێریا كەمپێ سەركەفتن تۆماركر.
پاشی خەلات بسەر سەركەفتیێن پلا ئێك و دوو دا و دادڤانان هاتنە بەلاڤكرن ژبال رێكخستیێن قارەمانیێ.
تُتاح هذه الصورة أيضا في: کوردی